ខ្សែបម្រើរបស់ក្លឹប Shakhtar Donetsk មិនបានបញ្ជាក់ប្រាប់ពីអនាគតរបស់គាត់ទេ នៅពេលមានពាក្យចចាមអារ៉ាមថារូបគេនិងផ្ទេរទៅកាន់ទឹកដី Old Trafford ។ ខ្សែបម្រើអន្តរជាតិប្រេស៊ីលកីឡាករ Fred បាននិយាយថាគាត់នឹងត្រូវនិយាយទៅកាន់ភ្នាក់ងាររបស់គាត់អំពីរបាយការណ៍ដែលថាគាត់កំពុងចុះហត្ថលេខាលើកិច្ចសន្យាជាមួយក្រុម Manchester United ។
កីឡាកររបស់ Shakhtar Donetsk បានជួយឱ្យក្រុមរបស់លោក Tite ទទួលបានជ័យជម្នះ ២-០ ទៅលើក្រុម ក្រូអាត ក្នុងការប្រកួតមិត្តភាពត្រៀមការប្រកួត World Cup នៅទឹកដី Anfield របស់ក្លឹប Liverpool កាលពីថ្ងៃអាទិត្យយប់មិញនេះ ។ កីឡាករ Fred ត្រូវបានគេរាយការណ៍ថាបានឆ្លងការធ្វើតេស្តសុខភាពនៅក្លឹប Manchester United នៅថ្ងៃចន្ទមុននឹងបញ្ចប់ការផ្ទេរក្នុងតម្លៃ ៥០ លានអឺរ៉ូ ( ៥៨ លានដុលារ ) ទៅកាន់ទឹកដី Old Trafford ។
កីឡាករ Fred បាននិយាយថា៖ “ខ្ញុំនៅតែនិយាយទៅកាន់ភ្នាក់ងាររបស់ខ្ញុំដើម្បីស្វែងរកការពិតនេះ ។ ខ្ញុំចង់ផ្តោតតែលើក្រុមជម្រើសជាតិប៉ុណ្ណោះ។ វាជាពេលវេលាតែមួយគត់ដែលយើងគិតអំពីការប្រកួត World Cup ។ យើងត្រូវតែព្យាយាមបំភ្លេចអ្វីៗពីខាងក្រៅ” ។ ខ្សែបម្រើរូបនេះបានបន្ថែមថា៖ “ខ្ញុំនឹងនិយាយទៅកាន់មនុស្ស និង ជួបមិត្តភក្តិរបស់ខ្ញុំ។ ខ្ញុំនៅតែមិនដឹងថាខ្ញុំនឹងទៅទីណា”។
ប្រេស៊ីល និងត្រូវប៉ះ ប្រទេសអូទ្រីស មួយប្រកួតចុងក្រោយរបស់ពួកគេទៀតដើម្បីកម្ដៅសាច់ដុំតៀមខ្លួនការប្រកួត World Cup 2018 នៅរុស្ស៊ី ៕
ដោយ៖តារា
