ក្រុមការពារតំណែងជើងឯក Buriram United បានយកជ័យជម្នះក្នុងប្រកួតបើកឆាកលីគកំពូលរបស់ថៃ ឆ្នាំ ២០១៨ លើក្រុម Ratchaburi Mitr Phol ក្នុងលទ្ធផល ២-១ នៅ Chang Arena កាលពីថ្ងៃសុក្រ។
បន្ទាប់ពីមិនមានការស៊ុតបញ្ចូលទីក្នុងតង់ទី១ Buriram បានបំបែកពងមាន់នៅនាទី ៦០ នៅពេលដែល Jakkaphan Kaewprom លេងក្បាច់បញ្ជូនទៅមកយ៉ាងស្អាតជាមួយ Edgar Silva រួចពួកគេបង្កើតឱកាសស៊ុតបាល់ហោះត្រឹមពាក់កណ្តាលចង្កេះទៅជ្រុងនៃបង្គោលទីពីរ។
ប្រាំមួយនាទីក្រោយមក ពួកគេបានបង្កើនការនាំមុខ នៅពេលដែល Edgar និង Jakkaphan បោះបាល់ឲ្យគ្នាយ៉ាងស្អាត ហើយក៏បានបញ្ជូនទៅ Diogo ដែលអាចបញ្ចប់ទីបានយ៉ាងល្អដោយប្រើជើងឆ្វេងរបស់គេ។
ទោះជាយ៉ាងណាក៏ដោយ ក្រុមភ្ញៀវទទួលបានមួយគ្រាប់វិញនៅនាទី ៧២ ដោយបាល់ពិន័យ១១ម៉ែត្រ ដោយ Narubadin Weerawatnodom បានធ្វើឲ្យ Rungrath Poomchanteuk ដួលពីខាងក្រោយនៅក្នុងប្រអប់។ហើយអ្នកដែលសម្រេចទីដោយបាល់ពិន័យ ១១ម៉ែត្រនោះគឺ Felipe Menezes ។
ទោះបីជា Ratchaburi ខិតខំយ៉ាងណាក៏ដោយ ក៏ក្រុមម្ចាស់ផ្ទះខំការពារមិនឲ្យរបូតបាល់មួយគ្រាប់ទៀតទេ។
ទោះជាទទួលបានជ័យជម្នះមែន Buriram ក៏មិនសូវជាសប្បាយចិត្តខ្លាំងដែរដោយប្រធានក្រុម Suchao Nutnum ទទួលរងរបួសនៅពាក់កណ្តាលតង់ទី១ ដែលកើតចេញពីរបួសមិនទាន់សះត្រង់ជង្គង់ ហើយរូបគេអាចនឹងខកខានការប្រកួតនៅថ្ងៃពុធសប្តាហ៍ក្រោយ ដែលត្រូវប៉ះជាមួយ Guangzhou Evergrande ក្នុងក្របខណ្ឌ AFC Champions League ។
ដោយ៖ តារា
