កាសែត Daily Mail បានចុះផ្សាយថា ក្លឹបមាន់ខ្នាយមាស Tottenham Hotspur កំពុងតែរៀបចំផែនការធ្វើកិច្ចពិភាក្សាជាមួយក្រុម Manchester United នៅសប្តាហ៍ក្រោយលើការផ្ទេរខ្សែប្រយុទ្ធ Anthony Martial ។
ខ្សែប្រយុទ្ធស្លាបសញ្ជាតិបារាំងវ័យ ២២ ឆ្នាំរូបនេះមានការខកចិត្តយ៉ាងខ្លាំងនៅទឹកដី Old Trafford នៅរដូវកាល ២០១៧-១៨ នេះ ដោយមិនដែលទទួលបានការលេងជាទៀងទាត់ ទើបធ្វើឲ្យខ្លួនគ្មានឈ្មោះទៅលេងការប្រកួត World Cup ជាមួយបារាំង នៅប្រទេសរុស្ស៊ី ។
លោក Mauricio Pochettino គ្រូបង្វឹកមាន់ខ្នាយមាសនិងបានធ្វើឱ្យការចុះហត្ថលេខារបស់ Martial ជាអាទិភាពនៅមុនរដូវកាលក្រោយ ។ ខណះ Spurs ក៏កំពុងសម្លឹងរកមើលជម្រើសផ្សេងបន្ថែមទៀតផងដែរ ៕
ដោយ៖តារា
ប្រភព :
goal
