ភ្នាក់ងាររបស់ Mohamed Salah បានបដិសេធរបាយការណ៍មួយដែលនិយាយថា អ្នកតំណាងរបស់កីឡាករអេហ្ស៊ីបរូបនេះបានផ្តល់ឱ្យគាត់ទៅកាន់ទីក្រុងបាសេឡូណា ។ របាយការណ៍នៃការចាកចេញដ៏មានសក្តានុពលទៅកាន់ក្លឹប Barcelona និង Real Madrid របស់ Salah ពី Liverpool បានក្លាយជារឿងដ៏មញាញឹកបន្ទាប់ពីរដូវកាលដំបូងរបស់គាត់ដែលបានបំបែកកំណត់ត្រានៅឯទឹកដី Anfield ។
Ramy Abbas និង Salah
ខ្សែប្រយុទ្ធរូបនេះបានបំបែកកំណត់ត្រាក្នុងក្របខ័ណ្ឌ Premier League សម្រាប់ការរកគ្រាប់បាល់ក្នុងរដូវកាលនេះដោយ ៣៨ ប្រកួតរកបាន ៣២ គ្រាប់ ហើយបានបញ្ចប់រដូវកាលជាមួយនឹងគ្រាប់សរុប ៤៤ គ្រាប់ក្នុងប្រកួតទាំងអស់ ខណៈដែលគាត់បានជួយអោយក្រុមហង្សក្រហមទទួលបានជើងឯករងនៃពានរង្វាន់ Champions League ថែមទៀតផង ។ រឿងពិសេសនេះបានលេចឡើងកាលពីថ្ងៃពុធជាមួយនឹងការសែត AS ជាប្រភពដែលបានបោះពុម្ភផ្សាយដោយបានអះអាងថា អ្នកតំណាងរបស់ខ្សែប្រយុទ្ធ Liverpool រូបនេះបានផ្តល់ឱ្យគាត់ទៅកាន់ក្លឹបម្ចាស់ជើងឯក La Liga ។
រឿងរ៉ាវនេះក៏បានរៀបរាប់លម្អិតផងដែរថាក្លឹប Barcelona គឺជាជម្រើសដ៏ល្អមួយប្រសិនបើពាក្យចចាមអារ៉ាមផ្ទេររបស់កីឡាករ Antoine Griezmann ទៅកាន់ក្លឹបមិនដំណើរការ ហើយថាអ្នកតំណាងនិងក្លឹបកំពុងតែធ្វើការជាមួយគ្នាដើម្បីស្វែងរកតម្លៃមួយដើម្បីទាក់ទាញឲ្យ Liverpool លក់រូបគេ ។ ទោះបីជាយ៉ាងណាក៏ដោយភ្នាក់ងាររបស់ Salah លោក Ramy Abbas បានឆ្លើយតបដោយផ្ទាល់នៅលើគណនី Twitter របស់ AS ដោយបានបដិសេធថាការផ្តល់បែបនេះមិនបានកើតមានឡើយ ។
លោក Abbas បាននិយាយពីគណនី Twitter របស់លោកថា៖ “រឿងនេះមិនដែលកើតឡើងទេ ។ ដូចអ្នកត្រូវការប្រភពល្អជាងនេះ ” ។ Salah កំពុងតែព្យាបាលរបួសស្មារបស់គាត់ ដែលបានរងរបួសកាលលេងនៅក្នុងវគ្គផ្តាច់ព្រ័ត្រនៃក្របខ័ណ្ឌ Champions League ក្នុងពេលប៉ះទង្គិចគ្នាជាមួយខ្សែការពារ Sergio Ramos របស់ក្រុម Real Madrid ។ ទោះជាយ៉ាងណាក៏ដោយគាត់សង្ឃឹមថានឹងត្រៀមខ្លួនរួចរាល់ក្នុងការលេងនៅក្នុងការប្រកួត World Cup ហើយគាត់ត្រូវបានគេបញ្ចូលឈ្មោះទៅក្នុងបញ្ជីរបស់ជម្រើសជាតិអេហ្ស៊ីប ផងដែរ ។
អេហ្ស៊ីបនិងបើកការប្រកួតដំបូងរបស់ខ្លួននៅក្នុងពូល A នៅថ្ងៃទី ១៥ ខែ មិថុនា ខាងមុខ ជាមួយ អ៊ុយរូហ្គាយ ។ ពួកគេត្រូវប្រឈមមុខជាមួយនឹងក្រុមម្ចាស់ផ្ទះ រុស្ស៊ី នៅថ្ងៃទី ១៩ ខែ មិថុនា ហើយការប្រកួតចុងក្រោយរបស់ពួកគេក្នុងការជម្រុះតាមពូលនិងត្រូវប៉ះជាមួយ ក្រុមជម្រើសជាតិ អារ៉ាប៊ីសាអ៊ូឌីត នៅថ្ងៃទី ២៥ ខែ មិថុនា ៕
ដោយ៖តារា
