ធនាគារកណ្តាលចិនបាននិយាយកាលពីថ្ងៃអាទិត្យនេះថា ខ្លួននឹងផ្តល់ថវិកាជាតិចំនួន ៣០០ ពាន់លានយ័នស្មើនឹង ៤៣ ពាន់លានដុល្លារនៅសប្តាហ៍ក្រោយ ដើម្បីជួយដល់សហគ្រាសដែលចូលរួមក្នុងការប្រយុទ្ធប្រឆាំងនឹងការរីករាលដាលនៃវីរុសដែលបានវាយប្រហារប្រទេសចិន និងឆ្លងទៅមនុស្សរាប់ពាន់នាក់ ។
ធនាគារប្រជាជនចិន (PBOC) បាននិយាយថា ធនាគារនឹងផ្តល់មូលនិធិដំបូងនៅថ្ងៃច័ន្ទដែលនឹងគាំទ្រដល់ស្ថាប័នហិរញ្ញវត្ថុដើម្បីផ្តល់ប្រាក់កម្ចីដល់សហគ្រាសសំខាន់ៗដែលចូលរួមក្នុងការការពារនិងគ្រប់គ្រងការរាតត្បាតនៃវីរុសនេះ ។ ការផ្ទុះឡើងដែលបានចាប់ផ្តើមនៅកណ្តាលទីក្រុងវូហាន បានធ្វើឱ្យប្រទេសជាប់គាំង និងគំរាមធ្វើឱ្យសេដ្ឋកិច្ចជាតិធ្លាក់ចុះ ៕
ដោយ៖ រ៉ាយូ
