ក្លឹប Juventus បានប្រកាសអំពីការចុះហត្ថលេខាលើកីឡាករអន្តរជាតិអ៊ីតាលីអ្នកចាំទី Mattia Perin ពីក្លិប Genoa ក្នុងតម្លៃខ្លួន ១២ លានអឺរ៉ូ បូកជាមួយប្រាក់បន្ថែមផ្សែងទៀតឡើងរហូតដល់ ១៥ លានអឺរ៉ូ ។
អ្នកចាំទីវ័យ ២៥ ឆ្នាំរូបនេះដែលបានចាប់ផ្តើមលេងឱ្យជម្រើសជាតិអ៊ីតាលីលក្ខណះមិត្តភាពកាលពីថ្ងៃចន្ទដែលបានប្រកួតស្មើរ ១-១ ជាមួយហូឡង់ នោះបានចុះហត្ថលេខាលើកិច្ចសន្យារយៈពេលបួនឆ្នាំនៅកីឡដ្ឋាន Juventus Stadium ដែលអ្នកចាំទីជើងចាស់ Gianluigi Buffon បានចាកចេញពីក្លឹបម្ចាស់ជើងឯកក្របខណ្ឌ Serie A នៅចុងរដូវ ២០១៧-១៨ កន្លងទៅនេះ ។
កិច្ចព្រមព្រៀងនេះនឹងធ្វើឱ្យក្រុម Juventus ត្រូវចំណាយប្រាក់ ១២ លានផោនក្នុងកិច្ចសន្យារយៈពេល ៣ ឆ្នាំដោយបន្ថែមទឹកប្រាក់ចំនួន ៣ លានអឺរ៉ូបន្ថែមទៀតប្រសិនបើលក្ខខណ្ឌកិច្ចសន្យាមួយចំនួនត្រូវបានបំពេញក្នុងអំឡុងពេលចុះកុងត្រានោះ ៕
ដោយ៖តារា
ប្រភព :
goal
