ក្រោយស្មើរជាមួយ Ronaldo ពេលនេះលោកព្រះ Zlatan កំពុងពិចារណាអណាគតនៅ AC Milan

9480
  • បើយោងតាមសម្ដី​របស់​នាយក​ផ្នែក​កីឡា គឺលោក Ricky Massara បានឱ្យដឹងថា កីឡាករចាស់វស្សា Zlatan Ibrahimovic នឹងសម្រេច​ចិត្ត​ពីអនាគត​របស់គេ​ថា តើគេចង់បន្តលេង​នៅ AC Milan ដែរឬយ៉ាងណា ។

    លោកព្រះ Ibrahimovic បាន​វិល​មក​ទឹកដី​ក្លឹប AC Milan វិញ​ក្នុងខែមករា ក្នុងកុងត្រា​ដែល​មានសុពល​ភាព​រហូត​ដល់​ខែ​មិថុនា ដោយ​មាន​ជម្រើសអាចបន្ត​សុពលភាព​បាន ១២ខែទៀត ។
    កីឡាករ​រូបនេះ​ធ្លាប់​ឈ្នះពាន​លីគ​កំពូលអ៊ីតាលី​ជាមួយ​ក្លឹប AC Milan ក្នុងអំឡុងពេល​ដែលគេ​លេង​ជាមួយ​ក្លឹប​នេះ​ដំបូង ។ ក្នុងកុងត្រាទី២នេះ គេរកបានគ្រាប់បាល់ ៣គ្រាប់​ ក្នុង ៦ប្រកួត​គ្រប់ប្រភេទពានរង្វាន់ទាំងអស់ ហើយ​គេ​ក៏​មាន​វត្តមាន​ចូល​លេងដែរ ក្នុងការប្រកួត​វគ្គពាក់កណ្ដាលផ្ដាច់ព្រ័ត្រជើងទី១ ពានរង្វាន់ Coppa Italia ជាមួយ Juventus ដែលទទួលបាន​លទ្ធផលត្រឹមតែ ១ស្មើ ។​
    លោក Massara ក៏បានកោតសរសើរទម្រង់លេងរបស់ Ibrahimovic និង​និយាយថា កីឡាកររូបនេះ​នឹង​ជាអ្នកសម្រេចចិត្ត​ចំពោះ​ជោគវាសនា​អនាគតរបស់គេ ។

    គួរជម្រាបឱ្យដឹងផងដែរថា ក្លឹប AC Milan កំពុងឈរ​នៅ​លេខរៀងទី១០ ក្នុងតារាង​លីគ​កំពូល​អ៊ីតាលីក្របខណ្ឌ Serie A​ ក្រោយ​លេង​បាន ២៣ប្រកួត​ គឺចាញ់ក្រុមនៅកៅអី Top 4 ចំនួន ១០ពិន្ទុ ប៉ុន្តែ​តាមពីក្រោយ​ក្លឹប Hellas Verona ដែល​ឈរ​នៅ​លេខរៀងទី៦ តែ ២ពិន្ទុប៉ុណ្ណោះ ៕

    ដោយ៖ តារា

    ប្រភព :
    foxsports
    ភ្ជាប់ទំនាក់ទំនងជាមួយ Merl Plus
  • អត្ថបទថ្មី