សម្ដេចតេជោ៖ ថ្ងៃនេះប្រសិនជាខ្ញុំមកទទួលបងប្អូនជាង៤១សញ្ជាតិនៅទីនេះ ហើយបែរជាគ្រោះថ្នាក់ដល់ខ្លួនខ្ញុំ វា​ក៏​ស័ក្ដិសមនឹងពលីកម្មដែលខ្ញុំធ្វើដើម្បីមនុស្សជាតិ

ប្រមុខរាជរដ្ឋាភិបាលកម្ពុជា សម្ដេចអគ្គមហាសេនាបតីតេជោ ហ៊ុន សែន មានប្រសា​ស​ន៍​​ថា កម្ពុជាយកការទទួល​ខុ​ស​ត្រូវ​មួយលើបញ្ហាការគោរពសិទ្ធិមនុស្សជាចម្បង និងសិទ្ធិរស់រាន​មានជីវិត សិទ្ធិមិនត្រូវបាន​គេ​រើ​ស​អើង ។
ក្នុងសន្និសីទសារព័ត៌មានក្រោយពីពិធីស្វាគមន៍ដោយផ្ទាល់ជាមួយអ្នកដំណើរនៅលើនាវាទេសចរណ៍ Westerdam នៅ​ឯ​កំ​ពង់ផែក្រុងព្រះសីហនុ នាព្រឹកថ្ងៃទី ១៤ ខែកុម្ភៈ ឆ្នាំ២០២០ សម្ដេចតជោ ហ៊ុន សែន បានថ្លែងថា បញ្ហាពិតប្រាកដរបស់កម្ពុជា មិន​មែ​ន​​ជាកូរ៉ូ​ណា​ថ្មីទេ នោះគឺការភ័យខ្លាច ។ សម្ដេចតេជោបានលើកឡើងថា កម្ពុជា​យ​ក​​ការទទួលខុសត្រូវ​មួយលើបញ្ហាការគោរពសិទ្ធិមនុស្សជាចម្បង ហើយដំបូងបំផុតត្រួវគោរព​ដល់​ការរស់រាន​មាន​ជីវិតរបស់មនុស្ស ដែលមានជាង ២,០០០នាក់នៅលើនាវានេះ ដែលមាន​រហូ​តទៅដល់ ៤១​សញ្ជាតិ ។

សម្ដេចតេជោបានបញ្ជាក់ថា៖ “ថ្ងៃនេះប្រសិនជាខ្ញុំមកទទួលបងប្អូនប្រជាពលរដ្ឋ​នៃ​ប​ណ្ដា​ប្រទេសមានរហូតមានទៅដល់ ៤១សញ្ជាតិនៅទីនេះ ហើយបែរជាគ្រោះថ្នាក់ដល់ខ្លួនខ្ញុំ វា​ក៏​ស័ក្ដិសមនឹងពលីកម្មដែលខ្ញុំធ្វើ ដើម្បីមនុស្សជាតិនោះផងដែរ”។
សម្ដេចតេជោបានបន្ដថា តើឱ្យយើងនិយាយ​ពីការ​គោ​រ​ពសិទ្ធិមនុស្សអ្វីទៅ ប្រសិនបើ​សិទ្ធិ​រស់រានមានជីវិតមិនត្រូវបានគោរព​ផងនោះ ហើយយ៉ាងហោចណាស់ពេលនេះ កម្ពុជា​បាន​ធ្វើកិច្ចការដែលទាក់ទង​និងដំ​ណើរ​ការនៃការគោរពសិទ្ធិមនុស្ស គឺសិទ្ធិរស់រានមានជីវិត សិទ្ធិមិនត្រូវបានគេរើសអើង និ​ង​សិទ្ធិ​វិលត្រឡប់ទៅកាន់ប្រទេសវិញដោយសុត្ថិភាពសម្រាប់​ពួកគេ។ សម្ដេចបន្ថែមថា៖ “ខ្ញុំគិត​ថា​ប្រជាពលរដ្ឋរបស់យើង យោគយល់ ហើយ​មានមោទនភាព ហើយខ្ញុំសូមអរគុណចំពោះ​ប្រជា​ពលរដ្ឋកម្ពុជា ដែលបានលើទឹកចិត្ត ហើយ​គាំទ្រដល់ការសម្រេចចិត្តរបស់ខ្ញុំ ក្នុងការឱ្យ​នា​វានេះបានចូលមកកាន់ទឹកដីកម្ពុជា តាមរយៈ​ទឹកដីកម្ពុជាបងប្អូនទាំង ៤១សញ្ជាតិនេះ បាន​ធ្វើ​ដំណើរវិលត្រឡប់ទៅកាន់ប្រទេសរៀងៗខ្លួន​ជួប​ជុំ​គ្រួសារពុំមានការភ័យខ្លាចទេ”។ សម្ដេច​តេ​ជោសង្កត់ធ្ងន់ថា តើយើងព្រមឱ្យអ្នកទាំងនេះ​រស់នៅក្នុងកណ្ដាលសមុទ្រ ហើយដែលមិន​ដឹ​ង​កោះមិនដឹងត្រើយ ឬយ៉ាងណា ។ នេះជាបញ្ហា​ដែលយើងត្រូវទទួខុសត្រូវ ក្នុងឋានៈជាមនុស្ស​ជា​តិដូចៗគ្នា។ សម្ដេចតេជោនាយករដ្ឋ​មន្ត្រី​ក៏បានថ្លែង​អរគុណស្ថានទូតអាម៉េរិកដែល​បា​ន​ទាក់ទងមកកាន់ស្ថាប័នពាក់ព័ន្ធកម្ពុជា ដែល​សម្ដេចបានយល់ព្រមឱ្យនាវានេះចូលចត​តាំងពី​មុន​ម៉ោ​​​ង១០ ថ្ងៃទី១១ ខែកុម្ភៈ ឯណ្ណោះ។ នៅពេលដែលមានសំណើពីស្ថានទូតអាម៉េរិក ហើយ​រៀ​ប​​រាប់ពីការបដិសេធរបស់ប្រទេសមួយ​ចំនួនថាមិនឱ្យចូល ហើយនៅលើនាវាក៏ចង់អស់ស្បៀង​ហើ​យ​ដែរ ដែលសម្ដេចបានស្វា​គមន៍។ នេះជាការទទួលខុសត្រូវរបស់យើង ហោចណាស់​ខាងផ្លូវសី​ល​ធ​ម៌​ មនុស្សធម៌​ផងដែរ។ សម្ដេចតេជោបានអរគុណអង្គការសុខភាពពិភពលោក ដែលបានធ្វើ​សេ​ចក្ដីថ្លែ​ង​ការណ៍គាំទ្រដល់កម្ពុជា ហើយគាត់ក៏មានបំណងសុំជួបជាមួយសម្ដេចតាមទូរស័ព្ទ សម្ដេច​នឹង​ជួបគាត់នៅពេលណាដែលប្រតិបត្តិការសង្គ្រោះនេះត្រូវបានបញ្ចប់ ។

គួរបញ្ជាក់ដែរថា នាវាទេសចរណ៍ខ្នាតយក្សរបស់អាមេរិក «Westerdam» ដែល​ផ្ទុក​មនុ​ស្ស​សរុបប្រមាណ២,២០០នាក់ ក្នុងនោះអ្នកទេសចរប្រមាណ១,៤៥៥នាក់ និងបុគ្គលិកបម្រើ​កា​រ​ ៨០២នាក់ បានចេញធ្វើដំណើរចេញពីទីក្រុងហុងកុង កាលពីថ្ងៃទី០១ ខែកុម្ភៈ ដើម្បីចូល​ទៅ​ប្រ​ទេសហ្វីលីពីន តែត្រូវអាជ្ញាធរប្រទេសនេះបដិសេធ ដោយបារម្ភខ្លាចអ្នកទេសចរនៅ​លើ​នាវា​នេះមា​ន​ផ្ទុកវីរុសថ្មី ដែលបង្កដោយមេរោគ «កូរ៉ូណា» ឬ «COVID19»។ បន្ទាប់ពី​​ហ្វីលីពីន​បដិសេធ នាវា​ដែលផ្ទុកអ្នកទេសចរភាគច្រើនជាជនជាតិអាម៉េរិក និងប្រទេសនៅអឺរ៉ុបនោះ បានព្យា​យា​ម​​ធ្វើដំណើរលើលំហរសមុទ្រ ដើម្បីទៅរកកន្លែងសំចតនៅតាមបណ្តាប្រទេស និងកោះផ្សេង​ទៀត​មានដូចជា តៃវ៉ាន់ ជប៉ុន កូរ៉េខាងត្បូង កោះហ្គាំរបស់អាម៉េរិក និងចុង​ក្រោយ​ទៅ​ប្រទេ​​សថៃ។ តែអាជ្ញាធរនៅក្នុងប្រទេសទាំងនេះ​បានបដិសេធមិនឱ្យចូលចត​នោះ​ឡើយ បើទោះបី​នា​យកគ្រប់គ្រងនាវា បានប្រកាស និងបញ្ជាក់ហើយថា អ្នកដំណើរ និងអ្នក​បម្រើការងារនៅ​លើ​នាវាទាំងអស់ មិនមានអ្នកណាម្នាក់ផ្ទុកមេរោគកូរ៉ូណាក៏ដោយ។ ទីបំផុត​សម្តេចតេជោ ហ៊ុ​ន​ សែន បានអនុញ្ញាតឱ្យនាវាមួយនេះ បានចូលសំចតនៅកំពង់ផែក្រុង​ព្រះសីហនុ ហើយធ្វើដំ​ណើ​រ​បន្តតាមយន្តហោះត្រឡប់ទៅកាន់ស្រុកកំណើតរបស់ពួកគេ ៕

ដោយ៖ សំណាង

ភ្ជាប់ទំនាក់ទំនងជាមួយ Merl Plus

អត្ថបទទាក់​ទង

  • អត្ថបទថ្មី