កីឡាករក្លឹបអាស៊ីអឺរ៉ុប Mbarga ជាកីឡាករដំបូងគេដែលស៊ុតបញ្ចូលទីបាន ៦ គ្រាប់ម្នាក់ឯងនៅរដូវកាលនេះ

7814
  • ខ្សែប្រយុទ្ធស្បែកខ្មៅរបស់ក្លឹប អាស៊ីអឺរ៉ុប យូណាយធីត កីឡាករ Befolo Privat Mbarga បានស៊ុតបញ្ចូលទី ៦ គ្រាប់ម្នាក់ឯងកាលពីម្សិលមិញ ។

    ក្លឹបតំណាងឲ្យសកលវិទ្យាល័យ អាស៊ីអឺរ៉ុប យូណាយធីត បានផ្ដួល់ក្រុមតំណាងសកលវិទ្យាល័យ វេស្ទើនភ្នំពេញ ដូចគ្នាក្នុងលទ្ធផលយ៉ាងចាស់ដៃ ៦ ទល់នឹង ១ នៅកីឡាដ្ឋាន AEU Sport Park កាលពីម្សិលមិញ ក្នុងសប្ដាហ៍ទី ៩ នៃពានរង្វាន់ មិត្តហ្វូនខេមបូឌានលីគ ។

    Image may contain: 1 person, playing a sport and outdoor

    នៅតង់ទីមួយកីឡាករ Privat Mbarga បានស៊ុតបញ្ចូលទីបាន ៣ គ្រាប់ នៅនាទី ១’ , ២៩’ , ៣៩’ ឲ្យអាស៊ីអឺរ៉ុប ។ ដល់ពេលចូលដល់តង់ទីពីរ កីឡាកររូបនេះក៏បន្តស៊ុតបន្ថែម ៣ គ្រាប់ទៀតនៅនាទី ៥៣’ , ៦៣’ , ៧៣’  ប៉ុន្តែត្រូវបានកីឡាករ សឿង សុបញ្ញា ស៊ុតបញ្ចូលទីបាន ១ គ្រាប់វិញផងដែរឲ្យ វេស្ទើន ។ បញ្ចប់ការប្រកួត ក្លឹប អាស៊ីអឺរ៉ុប  បានយកឈ្នះទៅលើក្លឹប វេស្ទើន ក្នុងលទ្ធផល ៦-១ ។

    គួបញ្ជក់ផងដែរថា កីឡាករ Privat Mbarga គឺជាកីឡាករដំបូងគេនៅលីគកំពូលកម្ពុជានារដូវកាលនេះដែលបានស៊ុតបញ្ចូលទីបានរហូតដល់ ៦ គ្រាប់ម្នាក់ឯង និងក៏ជា Top scorers ផងដែរបើគិតត្រឹមសប្ដាហ៍ទី ៩​ នេះ ដោយមាន ១៣ គ្រាប់ ៕

    ដោយ៖តារា

    រូបភាព៖ CNCC

    ភ្ជាប់ទំនាក់ទំនងជាមួយ Merl Plus
  • អត្ថបទថ្មី