Mourinho ថា គាត់​សម​នឹង​ទទួល​បាន​ពាន​គ្រូ​បង្វឹក​ដែល​មាន​អាកប្បកិរិយា​ល្អ​ប្រចាំ EPL

14955

អ្នកគ្រូបង្វឹករបស់​ Manchester United លោក Jose Mourinho បាន​លើកឡើង​ថា​គាត់​គឺ​ជាគ្រូបង្វឹកដែល​មាន​អត្តចរិក​ល្អ​ជាង​គេ​បង្អស់​នៅ Premier League ហើយ​គាត់​គួរ​តែ​ទទួល​បាន​ពាន​រង្វាន់​អ្នកចាត់​ការល្អ​ ប្រសិន​បើ​មាន​ពាន​បែបនេះ។

មតិរបស់គាត់​​ស្តាប់​មើល​ទៅ​ដូចជា​រាង​អួត​បន្តិចបើ​យើង​មើល​ទៅ​លើ​ការដឹកនាំ​កន្លង​មក​ ប៉ុន្តែ​អ្នកចាត់ការ​ក្រុម​ដែល​មក​ពី​ប្រទេស​ព័រ​ទុយហ្គាល់​រូប​នេះ​​បាន​និយាយ​ថា​គាត់​បា​ន​ខិតខំប្រឹងប្រែង​យ៉ាងខ្លាំង​ដើម្បី​ធ្វើ​ឲ្យ​ការ​ប្រព្រឹត្តរបស់កាត់​នៅ​ក្រៅ​ទីលាន​នោះ​មាន​ភាពប្រសើរឡើង បើទោះ​បី​ជា​គាត់​បាន​សារភាព​ថា​គាត់​មិនមែនល្អឥតខ្ចោះនោះទេ។

Image result for Jose Mourinho

លោក Mourinho បាន​និយាយថា «ខ្ញុំ​មាន​ការ​ប្តេជ្ញា​ចិត្ត​ខ្ពស់​ក្នុង​ការ​យក​ពាន​គ្រូបង្វឹកឆ្នើម​ឲ្យទាល់តែបាន។» «ខ្ញុំ​មិន​និយាយ​លេង​សើច​នោះ​ទេ។»

«មានពានរង្វាន់ជាច្រើនដូចជា កីឡាករឆ្នើម​ប្រចាំសប្តាហ៍ គ្រូបង្វឹកឆ្នើមប្រចាំខែ និង​រង្វាន់​នេះ​រង្វាន់ន? ហើយ​ពួកគេ​គួរ​តែ​ផ្តល់ពាន​គ្រូបង្វឹក​ដែល​សម្តែង​អាកប្បកិរិយា​ល្អពេលបញ្ជាកូនក្រុម ហើយ​គួរ​តែ​អនុញ្ញាត​ឲ្យមន្ត្រី​អាជ្ញាកណ្តាល​ទី​បួន​ជា​អ្នក​វាយ​តម្លៃ។

«ខ្ញុំ​ជឿ​ថា​បើមានមែន នោះ​ពិត​ជាបានមកខ្ញុំ។ ខ្ញុំនិយាយ​មែន! ខ្ញុំ​មិនដែល​បង្កើត​បញ្ហា​អ្វី​ទាល់​តែសោះ​ជាមួយ​មន្ត្រី​អាជ្ញា​កណ្តាល​​​ទីបួន លើកលែង​តែ​ម្តង​នោះ​កាលពីប្រកួត​នៅ​ទឹក​ដី Southampton នៅពេល​ដែល​ខ្ញុំ​លូក​ជើង​ចូល​ក្នុង​ទីលាន។

«ខ្ញុំ​និយាយពិតមែន ខ្ញុំ​បាន​រៀប​ចំខ្លួន​រួច​ជាស្រេច ខ្ញុំពិតជាសប្បាយ​រីករាយណាស់។ ខ្ញុំមិន​ចេះ​តែ​ខឹង​ច្រលោត​ផ្តេសផ្តាស់​ទេ។ មែន​ខ្ញុំ​មិនល្អឥតខ្ចោះទេ តែ​​ក្នុង​ការ​​ប្រកួត​​ខ្ញុំ​អាចគ្រប់គ្រងអារម្មណ៍ខ្លួនឯងបាន។

«ខ្ញុំ​មិន​អាច​​ថា​ខ្ញុំ​កែ​ពីអាក្រក់​ទៅ​ល្អ​ឥតខ្ចោះ​បាន​ទេ​ប៉ុន្តែ​ខ្ញុំ​អាច​ព្យាយាម​បន្តិចម្តងៗ​បាន។ ខ្ញុំ​រីករាយ​នឹង​អ្វី​ដែល​ខ្ញុំ​កំពុង​ព្យយាម​ធ្វើ​ និង​អ្វី​ដែល​កំពុង​កើតឡើង។

Image result for Jose Mourinho

ទោះបីជា​គាត់​ធ្លាប់​ទទួល​បាន​កាត​ក្រហម​ក្នុង​រដូវកាល​នេះ ព្រម​ទាំងបាន​ធ្វើ​ការ​តវ៉ា​ជាមួយអាជ្ញាកណ្តាល​ជាច្រើន​លើក​ច្រើន​សារក៏ដោយ ក៏​ Mourinho បាន​និយាយ​ថា​គាត់​សប្បាយ​ចិត្តចំពោះគុណភាព​ដឹក​នាំ​របស់គាត់​នៅ​អង់គ្លេស​នេះ។

គាត់​បានបន្ថែមថា «ខ្ញុំ​មាន​អារម្មណ៍ថា​បាល់ទាត់​អង់គ្លេស​មាន​កេរ្តិ៍តំណែលវប្បធម៌ ប្រពៃណី និង​គុណភាព​ផ្សេងៗទៀត​ដែល​ធ្វើ​ឲ្យខ្ញុំ​ចូលចិត្ត​ពេល​ប្រកួតម្តងៗ។»

«ប៉ុន្តែ​ពេល​ខ្លះ​ខ្ញុំ​មានការ​អន់ចិត្តដែរ ហើយ​ខ្ញុំ​ត្រូវ​តែ​ការពារ​កីឡាករ​របស់ខ្ញុំ ជាក់​ស្តែង​ដូចជា​ Alexis ទទួល​បាន​ការ​ស្វាគមន៍​មិន​អាចទទួលយកបានទេ។

«មែនគាត់​ជា​កីឡាករ​ដែលមិនសូវ​ទន់ភ្លន់ ប៉ុន្តែ​គាត់​មានបេះដូង​បរិសុទ្ធ។ គាត់​អាច​យកឈ្នះ​រឿង​ទាំងឡាយ​បាន​ទោះ​ក្នុង​ស្ថាន​ភាព​លំបាក​យ៉ាងណាក៏ដោយ ដូចជា​ពេលប្រកួត​ជាមួយ Huddersfield ។ ខ្ញុំ​មិន​ចង់​ប្រើ​ពាក្យ​ថា​ការពារ​កីឡាករ​ណា​ម្នាក់ទេ ព្រោះ​ជាធម្មតា​កីឡាករ​ណា​ក៏​ខ្ញុំ​ត្រូវ​ការពារ​ឲ្យបានស្មើៗគ្នាដែរ។

ដោយ៖ តារា

ប្រភព :
ភ្ជាប់ទំនាក់ទំនងជាមួយ Merl Plus
  • អត្ថបទថ្មី