Lionel Messi បានបង្ហាញការជឿជាក់ថា Neymar ចង់វិលត្រឡប់មកកាន់ Barcelona វិញ ដោយលោកបានបញ្ជាក់ថា អតីតមិត្តរួមក្រុមរូបនេះមានការសោកស្ដាយរឿងផ្ទេរទៅកាន់ក្លឹប Paris Saint-Germain ។
Neymar បានចាកចេញពីក្រុមអ្នកមានបុណ្យ Barcelona ផ្ទេរទៅកាន់ Paris Saint-Germain ក្នុងតម្លៃបំបែកឯតទគ្គកម្មពិភពលោកចំនួន ២២២ លានអឺរ៉ូ (១៨៦ លានផោន / ២៤០ លានដុល្លារ) ក្នុងឆ្នាំ ២០១៧ ប៉ុន្តែតារាឆ្នើមប្រេស៊ីលរូបនេះនៅតែមានទំនាក់ទំនងជាមួយនឹងការវិលត្រឡប់របស់ទឹកដី Camp Nou វិញ ។
ខ្សែប្រយុទ្ធជួរមុខរបស់ PSG វ័យ ២៨ឆ្នាំរូបនេះត្រូវបានគេរាយការណ៍ថា បានព្យាយាមវិលត្រឡប់ទៅកាន់ Barcelona វិញនៅដើមរដូវកាលនេះ ប៉ុន្តែការផ្ទេរមិនបានកើតឡើងនោះទេ បើទោះបីជាមានការខិតខំប្រឹងប្រែងបំផុតរបស់អតីតក្លឹបរបស់ខ្លួនក៏ដោយ ។
Messi បាននិយាយពីការចង់ជួបជាមួយ Neymar ប្រាប់ Mundo Deportivo ថា៖ “ ខ្ញុំនិយាយច្រើនដងហើយនៅកម្រិតកីឡា Ney ( Neymar ) គឺជាកីឡាករឆ្នើមម្នាក់នៅលើពិភពលោក ហើយខ្ញុំនឹងស្រឡាញ់គាត់ឱ្យត្រឡប់មកវិញ ។ គាត់ពិតជាទន្ទឹងរង់ចាំការត្រឡប់មកវិញ គាត់តែងតែមានការសោកស្តាយ (បន្ទាប់ពីចាកចេញ) គាត់បានធ្វើអ្វីៗជាច្រើនដើម្បីវិលត្រឡប់មកវិញ ហើយនោះគឺជាជំហានដំបូងដើម្បីព្យាយាមមកដល់ ” ៕
ដោយ៖ តារា
