ជើងខ្លាំង ធឿន ធារ៉ា បានបញ្ចេញស្នៀតវ៉ៃច្បាស់ៗពេញ៣ទឹក ដើម្បយកឈ្នះពិន្ទុកីឡាករថៃ ស៊ូរារិត ភិចណុងគី (Surarith Petchnongkee) កាលពីយប់ថ្ងៃទី១១ ខែកុម្ភៈ នៅសង្វៀន Max Muay Thai។
ការប្រកួតនៅទឹកទី១ ធារ៉ា បានម៉ាត់ដៃចំៗផ្ទៃមុខថៃ រួមទាំងស៊កជង្គង់បានស្រួចៗ។ ចំណែក ស៊ូរារិត នៅពុំទាន់ដឹងក្បាច់វាយ ធារ៉ា ចេះតែព្យាយាមរក្សាជំហរវ៉ៃពីចម្ងាយ។ ចូលដល់ទឹកទី២ ថៃ បានប្តូរយុទ្ធសាស្ត្រមករុញផ្តួល និងដើរក្រោយចាំត្រងពី ធារ៉ា វិញ។ ជាលទ្ធផល គួបផ្សំនិងជើងខ្លាំងកម្ពុជា មិនសូវប្រយ័ត្នឃុំផង ស៊ូរារិត បង្កើតឱកាសយកពិន្ទុបានយ៉ាងច្រើន។ រឿងដដែលបានបន្តដល់ទឹកទី៣ ធារ៉ា បន្តដួល និងត្រូវថៃផ្ញុកជង្គង់បានយ៉ាងច្រើន។ ប៉ុន្តែយ៉ាងណា ចប់ការរប្រកួត ចៅក្រមបានផ្តល់ជ័យជម្នះអោយម្ចាស់មេដាយមាសប្រដាល់ថ្នាក់ជាតិកម្ពុជា។
ដោយ៖ តារា
