កីឡាកររបស់ក្លឹប Barcelona និង ជម្រើសជាតិ ប្រេស៊ីល Paulinho បានបង្ហាញក្រុម ៤ ដែលលោកគិតថានិងអាចលើកពានរង្វាន់ FIFA World Cup ២០១៨ នៅរុស្ស៊ីបាន ប៉ុន្តែខ្សែបម្រើរូបនេះមិនបានរាប់បញ្ចូលក្រុមរបស់គាត់នៅក្នុងតារាងនៃការជ្រើសរើសនោះទេ ។
/cdn.vox-cdn.com/uploads/chorus_image/image/55463995/622228052.0.jpg)
Paulinho បាននិយាយថា៖ “អាឡឺម៉ង់ , បារាំង , បែលហ្ស៊ិក និង អេស្ប៉ាញ គឺជាក្រុមដែលមានសង្ឃឹមលើកពាន World Cup ខ្លាំងជាងគេ ហើយខ្ញុំនឹងជ្រើសរើសយកក្រុមអាហ្សង់ទីនមួយផងដែរដែលជាក្រុមមានភាគរយខ្ពស់ ” ។
“ប្រទេសស្វ៊ីសគឺជាក្រុមខ្លាំង ខ្ញុំដឹងអំពីរបៀបដែលពួកគេលេង ។ ជាដំបូងខ្ញុំចង់បង្ហាញពីការការពារដ៏រឹងមាំរបស់ពួកគេ ។ យើងដឹងថាវានឹងក្លាយជាការប្រកួតដ៏លំបាកមួយសម្រាប់យើង យើងនឹងលេងជាមួយចំណង់ចំណូលចិត្ត” ។ កីឡាកររបស់ Barcelona រូបនេះបានបន្ថែម
ប្រេស៊ីលត្រូវបានជាប់ឈ្មោះក្នុងចំណោមក្រុមដែលនិងអាចលើកពានរង្វាន់ដ៏ធំមួយនេះ ដោយពួកគេសំបូរទៅដោយកីឡាករឆ្នើមៗ និង អ្នកជំនាញជាច្រើននាក់ ។ កីឡាកររបស់ Barcelona និង អេស្ប៉ាញ Sergio Busquets ក៏បាននិយាយផងដែរថា៖ “លេខមួយគឺប្រេស៊ីល ហើយបន្ទាប់មកក៏មានក្រុមជម្រើសជាតិមួយចំនួនទៀតដែរ ដោយយើងក៏ស្ថិតនៅក្នុងចំណោមនោះផងដែរ ក្រុមទាំងនោះមាន អាល្លឺម៉ង់ , អេស្ប៉ាញ , អាហ្សង់ទីន និង បារាំង” ៕
ដោយ៖តារា
