France Football បានអះអាងថា អ្នកតំណាងរបស់ខ្សែប្រយុទ្ធ Sadio Mane បានចុះកិច្ចសន្យាជាមួយម្ចាស់ពានរង្វាន់ក្របខ័ណ្ឌ Champions League ក្លិប Real Madrid ហើយ ។
ប៉ុន្តែកីឡាកររូបនេះបាននិយាយទៅកាន់កាសែត Austrian newspaper ដោយបាបបញ្ជាក់ថា៖ “ខ្ញុំសប្បាយរីករាយខ្លាំងណាស់នៅក្នុងទីក្រុង Liverpool ហើយកុងត្រារបស់ខ្ញុំនៅសល់រយៈពេលបីឆ្នាំទៀត “។
កីឡាកររបស់ជម្រើសជាតិសេណេហ្គាល់រូបនេះបានបន្តថា៖ “ខ្ញុំបាននិយាយថាខ្ញុំសប្បាយរីករាយណាស់នៅ Liverpool ប៉ុន្តែអ្នកមិនដឹងថានឹងមានអ្វីកើតឡើងនាពេលអនាគតទេ ខ្ញុំមិនមានសម្ពាធទេ ខ្ញុំពិតជារីករាយណាស់ក្នុងការលេងការប្រកួតនេះជាមួយក្រុមរបស់ខ្ញុំ ។ ខ្ញុំមិនបានមើលឃើញខ្លួនឯងថាជាតារាល្បីមួយនោះទេ ប៉ុន្តែជាផ្នែកមួយនៃក្រុម យើងតែងតែចង់ទទួលបានច្រើននៅក្នុងការប្រកួតបាល់ទាត់ពិភពលោក” ៕
ដោយ៖តារា
ប្រភព :
tribuna
