បើយោងតាមសារព័ត៌មានអង់គ្លេស និងបារាំងជាច្រើន បានឲ្យដឹងថា ខ្សែបម្រើ Manchester City កីឡាករអាល់ហ្សេរី Riyad Mahrez កំពុងតែចាប់អារម្មណ៍ផ្លាស់ទៅក្លឹប Paris Saint-Germain នៃក្របខណ្ឌ Ligue 1 របស់បារាំង ។
ការចាប់អារម្មណ៍នេះ ព្រោះតែខ្សែបម្រើវ័យ ២៩ឆ្នាំ Mahrez ទំនងជាខកចិត្ត ដែលក្រុមមេឃខៀវ Manchester City អាចនឹងមិនត្រូវបានបន្តលេងនៅក្របខណ្ឌ Champions League ឬ ក្របខណ្ឌបាល់ទាត់អឺរុបដល់ទៅ ២រដូវកាល ចាប់ពីរដូវកាលក្រោយនេះតទៅ ដោយសារការពិន័យរបស់សហព័ន្ធបាល់ទាត់អឺរុប UEFA ចំពោះបទល្មើសហិរញ្ញវត្ថុរបស់ក្លឹបយក្សអង់គ្លេសនេះ ។
យ៉ាងណាក៏ដោយ ដំណឹងនៃការចាប់អារម្មណ៍របស់ PSG នេះ ក៏ស្របពេលទាំង Man City ត្រូវរងពិន័យពី UEFA ព្រមទាំង PSG អាចនឹងត្រូវបាត់បង់ខ្សែបម្រើប្រយុទ្ធនៅចុងរដូវកាល ដូចជា Neymar ដែលកំពុងមានដំណឹងពីការត្រឡប់ទៅកាន់ Barcelona វិញ ស្របពេលដែលខ្សែប្រយុទ្ធចាស់វស្សា Edison Cavani ក៏មានដំណឹងចង់ចាកចេញពីទឹកដីបារាំងផងដែរ ៕
ដោយ៖ វិទូ
