Mourinho ថា Newcastle ឈ្នះដោយសារខ្មោចឲ្យ

14696

Jose Mourinho សរសើរ​ស្មារតី​ប្រកួត​របស់ Newcastle បន្ទាប់ពី​ពួក​គេ​បាន​បំបាក់ Manchester United ១-០ កាល​ពី​ថ្ងៃ​អាទិត្យ​នេះ ប៉ុន្តែ​គាត់​បាន​បន្ថែម​ទៀត​ថា «ពួកគេ​ឈ្នះដោយ​សារ​ខ្មោច​ឲ្យ»។គ្រាប់​បាល់​របស់ Matt Ritchie នៅ​នាទី​ទី ៦៥ គឺជា​ការកាត់​សេចក្តី​រវាង​ក្រុម​ទាំង​ពីរ ដោយ Magpies (Newcastle) បាន​ឈ្នះ​ការ​ប្រកួត​ក្នុង​ទឹកដី​ជា​លើក​ដំបូង​ចាប់​តាំង​ពី​ខែ​តុលា​មក។ ជ័យជម្នះ​នេះ​បាន​ធ្វើ​ឲ្យ Newcastle ឡើង​ផុត​ពី​តំបន់​ដែល​ត្រូវ​គេកាត់​ចោល ខណៈ​ពេលដែល​បរាជ័យ​នេះ​ធ្វើ​ឲ្យ Man United នៅ​តែ​មាន ១៦ ពិន្ទុ​តាម​ពី​ក្រោយ Manchester City ដដែល​។

Image result for Jose Mourinho

វាក៏​បាន​បន្ថែម​កំណត់​ត្រា​របស់ Mourinho ក្នុង​នាមជា​គ្រូ​បង្វឹក​ម្នាក់​ដែល​មិន​ធ្លាប់​ទទួល​ជ័យជម្នះ​នៅ​ទឹក​ដី St James ‘Park ផង​ដែរ​។
Mourinho បាន​និយាយ​បន្ទាប់ពី​ចប់​ការ​ប្រកួត​ថា៖ «ពួកគេ​លេង​ប្រៀប​ដូច​ជា​សត្វ ហើយ​នេះ​ជា​ពាក្យ​ល្អ​ទេ​នៅក្នុង​វិស័យ​បាល់​ទាត់ ខ្ញុំ​សង្ឃឹមថា​ពួកគេ​នឹង​យល់​ថា​វា​ជា​ពាក្យ​សរសើរ។ ពួកគេ​មាន​អ្វី​គ្រប់យ៉ាង​ដែល​ពួកគេ​ត្រូវ​ការ ហើយ​ពួកគេ​មាន​ខ្មោច​ជួយ​ទៀត​។ ប៉ុន្តែ​ពួកគេ​បាន​ធ្វើការ​ប្រកួត​យ៉ាង​ស្វិត​ស្វាញ ទើប​ពួកគេ​មាន​សំណាង​បែប​នេះ​»។

Image result for newcastle vs man utd

«សំណាង​មិន​កើត​ឡើង​ចំពោះ​យើង​ឡើយ ប៉ុន្តែ​ពួកគេ​បាន​លេង​តាម​របៀប​ដែល​ពួកគេ​ជំនាញ និង​វិធី​ដែល​ពួកគេ​មិន​ជំនាញ នោះ​ហើយ​គឺជា​រឿង​ដ៏​អស្ចារ្យ​មួយ​នៅ​ក្នុង​កីឡាបាល់​ទាត់។ ពួកគេ​មុខ​ជា​មាន​អារម្មណ៍​ល្អ​បំផុត​លើស​ពេល​ណា​ណា​ទាំង​អស់ ពេលខ្លះ​មានអារម្មណ៍​ល្អ​ជាង​នៅពេល​ដែល​អ្នក​លេង​បាន​ល្អ​ទៅ​ទៀត ហើយ​អ្នក​អាច​លេង​បាន​ល្អ​ជាង​គូប្រកួត​ទៀត​ផង​»។
បាល់​មួយ​គ្រាប់​របស់ Newcastle បាន​មកពី​ការការពារ​ទន់​ខ្សោយ​របស់ Man Utd បន្ទាប់​ពីការ​ទាត់បាល់​ហ្វ្រីឃីក​ត្រូវ Chris Smalling ទាត់​ចេញ​មិនបាន​ល្អ​បណ្តាល​ឲ្យ​ខ្ទាត់​ទៅ​ចំ​ពី​មុខទី​តែ​ម្តង។

Related image

Mourinho បាន​និយាយ​ថា៖ «យើង​បង្កើត​កំហុស​ពី​ការ​ទាត់បាល់​ហ្វ្រីឃីក​របស់​គូ​ប្រកួត។ បន្ទាប់មក​នៅ​ពេល​ដែល​ពួកគេ​ឈរ​ចំ​នៅ​ពី​មុខ​ទី ពួកគេ​មាន​រឿង​តែមួយ​គត់​ដែល​ត្រូវ​គិត។ ពួកគេ​បាន​ព្យាយាម​ពេញ​ទំហឹង​ដើម្បី​កុំឲ្យ​យើង​តាម​ស្មើ​បាន​»។

«ជោគជ័យ​នេះ​មិនមែន​កើត​ឡើង​ដោយ​សារ​តែ​ពួកគេ​ទេ វា​ក៏​កើត​ឡើង​ដោយ​សារ​ខ្មោចជួយ​ដែរ ប៉ុន្តែ​ខ្ញុំ​សូម​និយាយ​ម្តង​ទៀត​ថា វាជា​រឿង​ដ៏​ល្អ​មួយ​ក្នុងការ​យក​ឈ្នះ​លើ​ការ​ប្រកួតតាម​វិធី​ដែល​ពួក​គេ​បាន​យក​ឈ្នះ​»។
ស្របពេល​ជាមួយ​គ្នា​នេះ​ដែរ អ្នក​ជំនាញ និង​អ្នក​គាំទ្រ​ហាក់​មិន​ពេញ​ចិត្ត​នឹង​បរាជ័យ​នេះឡើយ ដោយ​ទម្លាក់​កំហុស​លើ​គ្រូ​បង្វឹក​សញ្ជាតិ​ព័រទុយ​ហ្គាល់​រូបនេះ​ចំពោះ​ការ​រៀប​ចំ​យុទ្ធសាស្រ្ត​មិន​បាន​ត្រឹម​ត្រូវ​។

ដោយ៖ តារា

ប្រភព :
ភ្ជាប់ទំនាក់ទំនងជាមួយ Merl Plus
  • អត្ថបទថ្មី