ខ្សែបម្រើឆ្នើមរបស់ក្លឹប ព្រះខ័នរាជស្វាយរៀង និង ក្រុមជម្រើសជាតិកម្ពុជា កីឡាករ ប្រាក់ មុន្នីឧត្តម បាននិយាយថាខ្លួននៅតែចង់ទៅប្រកបអាជីពនៅក្រៅប្រទេស ។
ម្ចាស់អាវលេខ ៧ ខ្សែបម្រើ ប្រាក់ មុន្នីឧត្តម បាននិយាយថា៖ ” តាំងពីខ្ញុំត្រឡប់មកវិញ ខ្ញុំមានបទពិសោធន៍ច្រើនពីទីនោះ ហើយខ្ញុំមកនេះគឺដើម្បីចង់ជួយព្រះខ័នរាជស្វាយរៀង និង មានពេលច្រើនដើម្បីលត់ដំអភិវឌ្ឍន៍ឲ្យខ្លួនច្រើនជាងមុនផង ជួយក្លឹបឲ្យល្អឡើងវិញ និង អាចមានឱកាសទៅលេងក្រៅស្រុកសារជាថ្មីម្ដងទៀត “។
គួបញ្ជាក់ផងដែរថា ប្រាក់ មុន្នីឧត្តម បានផ្ទេរពីក្លឹបព្រះខ័នរាជស្វាយរៀង ទៅកាន់ក្លឹប Negeri Sembilan ដែលលេងនៅលីគកំពូលម៉ាឡេស៊ី កាលពីដើមរដូវកាល ២០១៧ នេះ ប៉ុន្តែត្រូវបានក្លឹប Negeri Sembilan បានផ្ដាច់កុងត្រាត្រឹមតែពាក់កណ្ដាលរដូវកាលនេះ ៕
ដោយ៖តារា
ប្រភព :
CNCC
