Liverpool ខ្វះតែពីរពិន្ទុទៀតប៉ុណ្ណោះនឹងតាមទាន់ក្រុមលំដាប់លេខ២នៅ Premier League បន្ទាប់ពីពួកគេបានបំបាក់ Southampton ក្នុងលទ្ធផល ២-០ លើទឹកដី St Mary កាលពីថ្ងៃអាទត្យ។
ក្រុមរបស់ Jurgen Klopp ជាអ្នកគ្រប់គ្រងបាល់បានច្រើនតាំងពីនាទីដំបូង ដោយ Roberto Firmino បើកការនាំមុខនៅនាទី ៦ និង Mohamed Salah រកបានគ្រាប់ទីពីរមុនបញ្ចប់តង់ទីមួយបន្តិច។
ក្នុងតង់ទីពីរ ក្រុមហង្សក្រហមបានខ្ជះខ្ជាយឱកាសជាច្រើន ប៉ុន្តែ Saints មិនមានសំណាងក្នុងការវាយបកវិញទេ ទោះបីជាពួកគេមានឱកាសច្រើនរាប់មិនអស់ដូចគ្នា។
ក្រុមម្ចាស់ផ្ទះបើកការប្រកួតមកមិនសូវបានល្អ ដោយអនុញ្ញត Salah បានបាល់ដាច់ដោយ Wesley Hoedt ទាត់បាល់ខុសមួយជើង។ ក្រុមរបស់ Mauricio Pellegrino ក៏បានព្យាយាមធ្វើការវាយបកយ៉ាងខ្លាំង ដោយ Pierre Hojbjerg បញ្ជូនបាល់ឲ្យ Loris Karius តែគាត់បែជាតែងប្លោងទៅលើ នៅនាទី ១៨។
Sadio Mane ខកខាងឱកាសស៊ុតបញ្ជូលទីក្នុងរយៈចំងាយ ២៥ យ៉ាត (ប្រមាណ ១៧ម៉ែត្រ) នៅនាទី ២៦ បីនាទីក្រោយមកទៀត Guido Carrillo ខកខាងឱកាសតែតបាល់។ បន្ទាប់មក Karius បានសង្រ្គោះបាល់ដ៏គ្រោះថ្នាក់ពីខ្សែបម្រើកណ្តាល។
Mane ធ្វើបានល្អ ដែលអាចទទួលបាល់បញ្ជូនត្រង់ដោយ Firmino ប៉ុន្តែត្រូវបាន Ward-Prowse កាត់ផ្តាច់មិនឲ្យបាល់ទៅដល់ដៃ Karius ទេ ក្នុងនាទី ៣៣។
ទោះជាយ៉ាងណាក្តី Southampton រងសម្ពាធកាន់តែខ្លាំងបន្ទាប់ពី Salah បន្ថែមមួយគ្រាប់ទៀតមុនបញ្ចប់តង់ទី១ គឺនៅនា ទី ៤២ ដោយបាល់នោះបញ្ជូនទៅមកជាមួយ Firmino ដែលជាកីឡាករឆ្នើមរបស់អាហ្វ្រិកក្នុងឆ្នាំ ២០១៧។
Salah ឈរភាំងមើលបាល់ទាត់ផ្កាប់ចានមួយជើងរបស់ Mane តែត្រូវបានរារាំងដោយ Mario Lemina នៅនាទី ៥០។
នៅនាទី ៦៣ Georginio Wijnaldum រត់ទៅឈូសបាល់ដែលបញ្ជូនដោយ Salah តែមិនជោគជ័យ ហើយ Emre Can ក៏ខកខានឱកាសតែបន្តិចក្នុងការរកគ្រាប់បាល់។
នៅនាទី ៧១ ការស៊ុតដ៏ស្អែតរបស់ Firmino ត្រូវបានរារាំងដោយអ្នកចាំទី ដែលបាល់នេះផ្តើមចេញពីការស៊ុតរបស់ Maneនៅខាងក្នុងប្រអប់ទី ហើយ Salah បន្ថែមបាល់ផ្លាតចេញក្រៅ។
ប្រាំនាទីក្រោយមក Mane ខកខានឱកាសម្តងទៀត នៅពេលដែលគាត់ព្យាយាមស្លាយដើម្បីទាត់បាល់ ប៉ុន្តែមិនចំគោលដៅ។ ពួកគេមានឱកាសជាច្រើនទៀតរហូតដល់នាទី ៨៥ នៅពេលដែល Salah ទាត់ជើងឆ្វេងតែកោងចេញ។
ដោយ៖ តារា
