ខ្លាំងកប់! កាមេរ៉ា​ស្មាតហ្វូន ​អេនដ្រយ​ ចំនួន ​៥ ប្រភេទ ល្អបំផុតនៅ​ក្នុងលោក

61390
  • គេហទំព័រ​ DxO Mark បានស្រាវជ្រាវ​​ និងវាយតម្លៃ​រកឃើញថា កាមេរ៉ា​ស្មាតហ្វូន​អេនដ្រយ​ចំនួន​៥ប្រភេទ ក្លាយជាឧបករណ៍ល្អផ្តាច់គេបំផុត​ក្នុងលោក ។ ការស្រាវជ្រាវនេះ​ធ្វើឡើងកាលពីថ្ងៃទី១០ ខែឧសភា ។ តើស្មាតហ្វូន​អ្វីខ្លះដែលបំពាក់នូវកាមេរ៉ា​ល្អបំផុតជាងគេឬ? ខាងក្រោមនេះ គឺជាចម្លើយ៖

    ស្មាតហ្វូន Huawei P40 Pro៖

    ស្មាតហ្វូនHuawei P40 Pro ត្រូវបានវាយតម្លៃឈរនៅកំពូលតារាង​ ពិន្ទុសរុប​១២៨ មានបំពាក់កាមេរ៉ាល្អជាងគេបំផុត ។ ស្មាតហ្វូនេះ ​បំពាក់កាមេរ៉ាក្រោយ​គោល 50-megapixel កម្រិត Aperture f/1.9 មានមុខងារទប់រំញ័ររូបភាព OIS ។ បំពាក់កាមេរ៉ា ultra-wide​មួយគ្រាប់ ទំហំ 40-megapixel កម្រិត​ Aperture f/1.8 និងកាមេរ៉ា telephot ទំហំ 12-megapixel​ កម្រិត Aperture f/2.4, មានការទប់រំញ័ររូបភាព OIS និង​ហ្សូបអុបទិក 3X ផងដែរ ។​ ឧបករទាំងអស់នេះ​បានបន្ថែម​សែនស័រ 3D ជាមួយ​បចេ្ចកវិទ្យាសេនស័រ​ជម្រៅ​កាន់តែប្រសើរ ។ កាមេរ៉ាក្រោយ​ ក៏មានសមត្ថភាព​ហ្សូប​ឌីជីថល 100x​ផងដែរ ។

    ស្មាតហ្វូន Honor 30 Pro+៖

    ឈរលំដាប់លេខពីរ​នៅក្នុងតារា, ស្មាតហ្វូន Honor 30 Pro+ ដែលជាស្មាតហ្វូនសាខាក្រុមហ៊ុន​ Huaweiនោះគឺជាអ្នកទទួលបានពិន្ទុ​១២៥ ។ ស្មាតហ្វូននេះ​បំពាក់កាមេរ៉ាក្រោយ 50-megapixel ដូចទៅនឹងកាមេរ៉ា​បំពាក់នៅលើស្មាតហ្វូន P40 Pro ដូច្នោះដែរ ។ ស្មាតហ្វូននេះ​នៅបំពាក់លេន​ telephoto ទំហំ8-megapixel និងកាមេរ៉ា ultra-wide 1/3.09អ៊ីន ទំហំ 16-megapixel ។

    ស្មាតហ្វូន Oppo Find X2 Pro៖

    ស្មាតហ្វូន Oppo Find X2 Pro បំពាក់​កាមេរ៉ាគោល Quad-Bayer 48-megapixel កម្រាស់ 1/1.4 អ៊ីន មានកម្រិត Aperture f/1.7, បំពាក់កាមេរ៉ា ultra-wide មួយគ្រាប់ 1/2អ៊ីន និងកាមេរ៉ា telephoto មួយគ្រាប់ ទំហំ 13MP កម្រិត Aperture f/3 ។

    ស្មាតហ្វូន Xiaomi Mi 10 Pro៖

    ស្មាតហ្វូន Mi 10 Pro របស់ក្រុមហ៊ុន Xiaomi បំពាក់កាមេរ៉ាគោល 108-megapixel ជាមួយសេនស័ររូបថត 1/1.33, បំពាក់កាមេរ៉ា ultra-wide ទំហំ 20-megapixel មួយគ្រាប់ និង​លេនកាមេរ៉ា telephoto ភ្លោះជាមួយ សេនស័រ 12-megapixel និង 8-megapixel ។

    ចុងក្រោយគឺស្មាតហ្វូន Huawei Mate 30 Pro 5G ៖

    ស្មាតហ្វូន Mate 30 Pro 5G បំពាក់កាមេរ៉ា​គោល 40-megapixel ជាមួយកម្រិត Aperture f/1.6, បំពាក់កាមេរ៉ា Ultra wide ទំហំ 40-megapixel កម្រិត Aperture f/1.8 និងកាមេរ៉ាលេន telephoto កម្រិត Aperture f/2.4 និងលេនសែនស័រជម្រៅ 3D ToF ។

    ក្នុងពេលដំណាលគ្នានេះ ស្មាតហ្វូន​ដែលមានកាមេរ៉ាល្អបន្តបន្ទាប់គ្នា​៥ទៀត ត្រូវបាន​គេហទំព័រ DxO Mark រកឃើញផងដែរ សម្រាប់ខែ​ឧសភា ឆ្នាំ២០២០នេះ ។ ទាំងនោះដូចជា ស្មាតហ្វូន Honor V30 Pro, ស្មាតហ្វូន Samsung Galaxy S20 Ultra, ស្មាតហ្វូន Huawei Mate 30 Pro, ស្មាតហ្វូន Xiaomi Mi CC9 Pro Premium និងស្មាតហ្វូន Apple iPhone 11 Pro Max ក៏មានបំពាក់កាមេរ៉ា​ល្អឥតខ្ចោះផងដែរ​ ៕

    ដោយ៖ យ៉ាត

    ប្រភព :
    ភ្ជាប់ទំនាក់ទំនងជាមួយ Merl Plus
  • អត្ថបទថ្មី