ខ្សែប្រយុទ្ធសញ្ជាតិអាហ្សង់ទីនកីឡាករ Mauro Icardi ត្រូវបានគេរាយការណ៍ថាត្រូវបានដាក់បញ្ចូលទៅក្នុងបញ្ជីទិញរបស់ម៉ាឌ្រីដសម្រាប់រដូវក្តៅនេះ ។
ក្លឹបទាំងពីរបានធ្វើការចរចាគ្នាម្ដងរួចហើយ កាលពីរដូវកាលមុន ប៉ុន្តែកិច្ចព្រមព្រៀងនេះបានបរាជ័យដោយសារតែក្លឹប Inter Milan ចង់ឱ្យមាន Icardi បន្តរួមរស់យ៉ាងហោចណាស់ត្រឹមពាក់កណ្ដាលនៃរដូវកាលនេះ ។
ឥឡូវនេះវាបានក្លាយទៅជាប្រធានបទថ្មីមួយទៀតសម្រាប់ក្លិប Real Madrid ដោយសារតែការចាកចេញរបស់កីឡាករ Cristiano Ronaldo ហើយក្លឹបប្រាកដថាពួកគេអាចមានលទ្ធភាពទិញយកកីឡាកររបស់ក្លឹបយក្សអ៊ីតាលី ស្របពេលដែលលក្ខខណ្ឌនៃការទិញផ្ដាច់កុងត្រានាពេលបច្ចុប្បន្នមានតម្លៃចំនួន ១១០ លានអឺរ៉ូ ។
ទោះជាយ៉ាងណាសាពត៌មាននៅអ៊ីតាលីបានរាយការណ៍ថាក្រុម Inter កំពុងតែត្រៀមខ្លួនរួចរាល់ដើម្បីផ្តល់កិច្ចសន្យាថ្មីឲ្យទៅ Mauro Icardi និងផ្ដល់ប្រាក់ឈ្នួលឲ្យបានល្អប្រសើរជាងមុន ៕
ដោយ៖តារា
ប្រភព :
tribuna
