ក្លិប FC Barcelona ទើបតែបានចុះហត្ថលេខាជាមួយកីឡាករត្រឹមតែ ២ នាក់ប៉ុណ្ណោះនៅក្នុងទីផ្សារដោះដូរកីឡាករ ប៉ុន្តែបច្ចុប្បន្នក្លឹបយក្សអេស្ប៉ាញនេះកំពុងកំណត់គោលដៅលើកីឡាករសញ្ជាតិអន្តរជាតិសេណេហ្គាល់ដែលបានបង្ហាញខ្លួនបានយ៉ាងល្អនៅក្នុងការប្រកួត World Cup 2018 នេះ ។
យោងតាម El Mundo Deportivo បានឱ្យដឹងថាខ្សែការពារស្លាបឆ្វេងរបស់ជម្រើសជាតិសេណេហ្គាល់ Moussa Wague បានក្លាយជាគោលដៅសម្រាប់ក្លិបយក្សតំបន់កាតាឡាន ។ កីឡាករវ័យ ១៩ ឆ្នាំរូបនេះបានទាក់ទាញភ្នែកមនុស្សជាច្រើនអំឡុងយុទ្ធនាការឲ្យក្រុម Lions of Teranga ( សេណេហ្គាល់ ) នៅក្នុងប្រទេសរុស្ស៊ីកាលពីខែមុន ។
របាយការណ៍ដូចគ្នានេះបានអះអាងថា Barca កំពុងតែចង់ប្ដូតួនាទីរបស់កីឡាករ Sergi Roberto ពីការពារទៅជាខ្សែបម្រើដែលគាត់ពេញចិត្ត ហើយពួកគេមើលឃើញថា Wague ជាអ្នកដែលអាចប្រកួតប្រជែងជាមួយកីឡាករ Nelson Semedo សម្រាប់កន្លែងខ្សែការពារស្តាំនេះបាន ។ លោក Pep Segura ប្រធានចាត់ការទូទៅរបស់ក្លឹប Barcelona និងលោក Eric Abidal ដែលជាប្រធានកីឡាត្រូវបានគេជឿថាកំពុងតែធ្វើការលើកិច្ចព្រមព្រៀងមួយសម្រាប់ខ្សែការពាររូបនេះ ។
Moussa Wague បានបង្ហាញខ្លួន ២៨ ប្រកួតគ្រប់ការប្រកួតទាំងអស់របស់លីគកំពូលបែលហ្ស៊ិក សម្រាប់ក្លឹប KA.S. Eupen កាលរដូវកាលមុន ៕
ដោយ៖តារា
