អ្នកកាសែតលោក Gianluca Di Marzio បានរាយការណ៏ថាក្លឹប Inter Milan កំពុងកំណត់ទិសដៅទិញកីឡាករខ្សែបម្រើ Luka Modric របស់ក្រុមអធិរាជស Real Madrid នៅរដូវក្តៅនេះ ។
ក្លឹបយក្សរបស់ក្របខ័ណ្ឌ Serie A បានទាក់ទងជាមួយភ្នាក់ងាររបស់ខ្សែបម្រើរូបនេះ ហើយគាត់បានពិភាក្សាគ្នាពីការផ្ទេរដ៏មានសក្តានុពលមួយដែលមានមិត្តរួមជាតិក្រូអាតលេងនៅក្លឹបនោះរួមមានកីឡាករ Ivan Perisic និង Marcelo Brozovic ដែលពួកគេបានលេងជាមួយគ្នាកំឡុងពេលការប្រកួតដណ្ដើមពានរង្វាន់ World Cup នៅប្រទេស រុស្ស៊ី ។
បន្ទាប់ពីការចាប់អារម្មណ៍របស់ពួកគេទៅលើ Modric ក្លឹប Nerazzurri ( Inter ) ក៏កំពុងតែត្រលប់ទៅរកការនាំយកកីឡាករ Arturo Vidal ពីក្លឹប Bayern Munich ផងដែរ ៕
ដោយ៖តារា
ប្រភព :
goal
