ម្ចាស់ជើងឯកក្របខ័ណ្ឌ Ligue 1 ក្លឹបអ្នកមាន Paris Saint-Germain ត្រូវបានគេរាយការណ៍ថាកំពុងតម្រង់ទិសដៅទៅលើការផ្ទេរកីឡាករមួយរូបរបស់ក្លិប Manchester United ដែលកំពុងផ្សារភ្ជាប់ជាមួយនឹងក្លឹបនៅតំបន់អ៊ឺរ៉ុបជាច្រើន ។
យោងទៅតាម The Sun បានឲ្យដឹងថា ក្លឹប PSG បានចូលរួមក្នុងការប្រកួតប្រជែងដើម្បីចុះហត្ថលេខាលើកីឡាករសញ្ជាតិអាហ្សង់ទីនខ្សែការពារ Marcos Rojo ។ Rojo ត្រូវបានគេរំពឹងថានឹងចាកចេញពីក្លឹបបីសាចក្រហមនៅក្នុងការផ្ទេរនេះ ខណៈដែលលោក Jose Mourinho មើលទៅដូចជាមានបំណងចង់បានខ្សែការពារម្នាក់ទៀតនារដូវក្ដៅនេះ ។
របាយការណ៍ដដែលនេះបានអះអាងទៀតថា PSG នឹងត្រូវប្រជែងជាមួយនឹងក្លឹប Everton, Marseille និង Zenit St. Petersburg ។ ទោះបីជាយ៉ាងណាក៏ដោយគេជឿថាក្លឹប Everton នៅតែជាក្លឹបឈានមុខគេសម្រាប់ខ្សែការពារអាហ្សង់ទីនរូបនេះ ហើយតម្លៃខ្លួនត្រូវគេជឿជាក់និងមានតម្លៃ ២០ លានផោន ។
កីឡាករវ័យ ២៨ ឆ្នាំរូបនេះបានបង្ហាញខ្លួន ១០៧ ប្រកួតឱ្យក្លឹបបិសាចក្រហមចាប់តាំងពីចូលរួមជាមួយក្លិបនេះពីក្លិប Sporting Lisbon កាលពីឆ្នាំ ២០១៤ ៕
ដោយ៖តារា
