Samsung Galaxy A01 Core ទទួលបានការអនុម័តចេញពី NBTC របស់ថៃ

37969
  • ស្មាតហ្វូន Samsung Galaxy A01 Core នៅពេលនេះ​បានទទួលការអនុម័តពីគណៈកម្មការសោតទស្សន៍ និងទូរគមនាគមន៍ជាតិថៃឡង់ដ៍ (NBTC) បន្ទាប់ពីស្មាតហ្វូននេះបានបង្ហាញខ្លួនដំបូងកាលពីចុងខែមិថុនា ឆ្នាំ២០២០ នៅលើបញ្ជី Google Play Console និងការទទួលបានវិញ្ញាបនបត្រ Bluetooth SIG ផងដែរ។

    គណៈកម្មការសោតទស្សន៍ និងទូរគមនាគមន៍ជាតិថៃឡង់ដ៍មិនបង្ហាញច្រើនអំពីលក្ខណៈសម្បត្តិរបស់ស្មាតហ្វូន Samsung Galaxy A01 Core នោះទេ គ្រាន់តែបញ្ជាក់ថា វាមានស៊ីមពីរសម្រាប់ការប្រើប្រាស់។ នៅក្នុងរបាយការណ៍មុនៗគេបានទម្លាយថា ស្មាតហ្វូន Galaxy A01 Core បំពាក់ដោយអេក្រង់ទំហំ ៥,១៤អ៊ីញ ប្រភេទ PLS TFT កម្រិតពណ៌ 16M កម្រិតបង្ហាញ 720 x 1480 ភីកសែល សមាមាត្រដង់ស៊ីតេ 18.5:9 Ratio (~320 ppi Density) ហើយថាស្មាតហ្វូននេះប្រតិបត្តិការដោយ​ប្រព័ន្ធ Android 10 (កំណែGo edition) បំពាក់ឈីប Mediatek MT6739WW (28 nm) ស៊ីភីយូ Quad-core 1.5 GHz Cortex-A53 និងជីភីយូ PowerVR GE8100។

    សម្រាប់ទំហំផ្ទុកវិញ ស្មាតហ្វូននេះ​គាំទ្រការប្រើប្រាស់កាតមេម៉ូរីស្តង់ដារ microSDXC (dedicated slot) បំពាក់ដោយរ៉េមទំហំ១ជីហ្គាបៃ អង្គផ្ទុកទិន្នន័យខាងក្នុងទំហំ​៨ជីហ្គាបៃ ក៏ដូចជាបន្ទះឈីបល្បឿនលឿន eMMC 5.1 ។ កាមេរ៉ា​ក្រោយ១គ្រាប់ ទំហំ​៨មេហ្គាភីកសែល គាំទ្របច្ចេកវិទ្យាចាប់ចំណុច​ហ្វ័រខឹសស្វ័យប្រវត្តិ (AF) និងការជំនួយពន្លឺ​ពី LED Flash ។ ចំណែកកាមេរ៉ា​មុខ មួយគ្រាប់ទំហំ៥មេហ្គាភីកសែល ។

    គេនៅមិនទាន់ដឹងថ្ងៃណាឲ្យប្រាកដជាក់លាក់ថា​ ស្មាតហ្វូន Samsung Galaxy A01 Core​ចេញផ្លូវការនោះទេ ។ ព័ត៌មានលម្អិត​អំពីលក្ខណៈពិសេស និងបច្ចេកវិទ្យាផ្សេងទៀត​ដែលផ្តល់ជូន​នៅលើស្មាតហ្វូននេះ ក៏មិនទាន់មានបង្ហាញពិស្តារនៅឡើយទេ ៕

    ដោយ៖ យ៉ាត

    ប្រភព :
    gsmarena
    ភ្ជាប់ទំនាក់ទំនងជាមួយ Merl Plus
  • អត្ថបទថ្មី