Manchester United អាចនឹងរកចំណូលបានប្រមាណ ២៦ លានផោនក្នុងមួយរដូវកាល ប្រសិនបើគេលក់សិទ្ធិប្រើឈ្មោះទៅឲ្យ Old Trafford ។ ការសិក្សាថ្មីមួយបានរកឃើញថា ក្នុងមួយឆ្នាំ ក្រុម Manchester City អាចរកប្រាក់បានច្រើនជាង ១៩ លានផោនពីការឧបត្ថម្ភដល់កីឡដ្ឋាន Etihad របស់ពួកគេ។
លោក Trevor Birch ប្រធានផ្នែកកីឡាអង់គ្លេសនៅសារជីវកម្ម Duff & Phelps និងជាអតីតនាយកប្រតិបត្តិនៃក្លឹប Chelsea និង Everton ជឿជាក់ថា ក្លឹបទាំងឡាយនៅ Premier League អាចរកប្រាក់ចំណូលបន្ថែមពីការលក់សិទ្ធិប្រើឈ្មោះកីឡដ្ឋានរបស់ពួកគេ។ «នេះប្រធានបទមួយដែលរសើប ជាពិសេសនៅក្នុងប្រទេសនេះ ប៉ុន្តែចំណុចនេះគឺពិតជាបញ្ហាមួយដែលមិនទាន់មានរៀបចំឲ្យមានប្រសិទ្ធភាពក្នុងការទាញប្រាក់ចំណូលនៅឡើយទេ។ ក្រុមផ្សេងទៀតនៅ Premier League បានជ្រើសរើសធ្វើការប្តូរឈ្មោះ ដូចជា Bournemouth ដែលកីឡដ្ឋានរបស់ខ្លួនត្រូវបានប្តូរឈ្មោះពី Dean Court ទៅជា Vitality ជាដើម។ ឧទាហរណ៍ផ្សេងទៀតរូមមាន Brighton និង Hove Albion (កីឡដ្ឋាន American Express Community), Stoke City (កីឡដ្ឋាន bet365), Huddersfield Town (កីឡដ្ឋាន John Smith), Leicester City (កីឡដ្ឋាន King Power) និង Swansea City (កីឡដ្ឋាន Liberty)។
ដោយឡែក កាលពីឆ្នាំ ២០១១ Newcastle United ប៊ិះស៊យធំនៅពេលដែលពួកគេមានបំណងចង់កែឈ្មោះកីឡាដ្ឋាន ពី St. Jame’s Park ទៅជា Sports Direct Arena ដែលអ្នកគាំទ្រក្លឹបនេះបង្ហាញការមិនពេញចិត្តចំពោះឈ្មោះថ្មីនេះ រហូតដល់ពេលដែលក្រុមហ៊ុនឧបត្ថម្ភ (Wonga.com) សព្វថ្ងៃនេះ ទិញសិទ្ធិប្រើឈ្មោះតែស្នើឲ្យដាក់ឈ្មោះចាស់វិញ។ សម្រាប់កីឡដ្ឋានដូចជា Old Trafford ឈ្មោះរបស់កីឡដ្ឋាននេះប្រហែលជាប្រហែលជាមានចំណងពាក់ព័ន្ធខ្លាំងពេកជាមួយរចនាសម្ព័ន្ធរបស់កីឡដ្ឋានទាំងមូលទើបពិបាកក្នុងការផ្លាស់ប្តូរ ដែលនេះជាហេតុធ្វើអាចធ្វើឲ្យលែងសូវមានភាពទាក់ទាញដល់វិនិយោគិនដូចនឹងកីឡដ្ឋានថ្មី ដូចជាកីឡដ្ឋានរបស់ Arsenal មានឈ្មោះពីមុនថា Highbury ក្នុងឆ្នាំ ២០០៦ តែឥឡូវឈ្មោះថា Emirates Stadium ។
ដោយ៖ តារា
