កាលពីយប់មិញគឺជាការប្រកួតដណ្ដើមពានរង្វាន់ UEFA Super Cup ដែលជាពានរង្វាន់កើតឡើងរវាងក្រុមម្ចាស់ជើងឯក UEFA Champions League ( ពានលំដាប់ទី ១ របស់ទ្វីប អឺរ៉ុប ) ប៉ះជាមួយក្រុមម្ចាស់ជើងឯក UEFA Europa League ( ពានលំដាប់ទី ២ របស់ទ្វីប អឺរ៉ុប ) ។
ម្ចាស់ជើងឯក UEFA Champions League គឺក្លឹប Real Madrid ត្រូវរងបរាជ័យក្រុមស្នាដៃរបស់ ម្ចាស់ជើងឯក UEFA Europa League គឺក្លឹប Atletico Madrid ក្នុងការដណ្ដើមពានរង្វាន់ UEFA Super Cup កាលពីព្រឹកយប់មិញនេះក្នុងលទ្ធផល ២-៤ ។
គ្រាប់ដំបូងរបស់ AT Madrid បានកើតឡើងត្រឹមតែនាទី ១ តែប៉ុណ្ណោះដោយពីការស៊ុតបញ្ចូលទីរបស់ខ្សែប្រយុទ្ធ Diego Costa ប៉ុន្តែ Real នៅតែបន្តបន្ថែមសម្ពាធនិងរកបានមួយគ្រាប់វិញក្រោយពីការតែតបញ្ចូលទីរបស់ Karim Benzema នៅនាទី ២៧ លទ្ធផលមួយស្មើរនេះរក្សារហូតដល់ចប់តង់ទីមួយ ។
ចូលដល់តង់ទីពីរ ប្រធានក្រុម Real Madrid ខ្សែការពារ Sergio Ramos បានស៊ុតបញ្ចូលទីមួយនាំមុខវិញនៅនាទី ៦៨ ប៉ុន្តែអតីតខ្សែប្រយុទ្ធរបស់ក្លឹបតោខៀវ Chelsea បានបន្ថែមមួយគ្រាប់ទៀតឲ្យ AT Madrid ហើយក៏ជាគ្រាប់ទីពីររបស់ខ្លួននៅក្នុងការប្រកួតផងដែរនៅនាទី ៧៩ លទ្ធផលពីរស្មើនេះបានបង្ខំឲ្យបន្ថែមនាទី ១៥ នាទី ពីរដង ។
នៅនាទី ៩៨ កីឡាករ Saul Niguez បានកាប់មួយជើងយ៉ាងស្អាតជួយ AT Madrid នាំវិញម្ដងទៀត ហើយនៅនាទី ១០៤ ខ្សែប្រយុទ្ធ Koke បានបន្ថែមមួយគ្រាប់ទៀត បានធ្វើឲ្យក្លឹប Atletico Madrid ក្លាយជាជើងឯក UEFA Super Cup ក្រោយពីបំបាក់ក្លឹបរួមទីក្រុង Real Madrid ក្នុងលទ្ធផល ៤ ទល់នឹង ២ ៕
ដោយ៖តារា
