សព្វថ្ងៃភពផែនដីរបស់យើងត្រូវបានបំផ្លាញ់ស្ទើរតែខ្ទិចខ្ទីអស់ហើយ ជាមួយនឹងបញ្ចេញកាកសំណល់ផ្ដេសផ្ដាស ការបញ្ចេញផ្សែងជាតិពុលទៅក្នុងបរិយាកាស ការកាប់បំផ្លាញ់ព្រៃឈើ នឹងការលុបទន្លេរ សមុទ្រ ដើម្បីសាងសង់ទីកន្លែងស្នាក់នៅសម្រាប់បំពេញតម្រូវការរបស់ជាតិយើងដែលចេះតែកើតច្រើនឡើងៗជារៀងរាល់ថ្ងៃ ។
មនុស្សកើនឡើងជាលំដាប់ ជាមួយនិងបច្ចេកវិទ្យាកាន់តែទំនើបបានរុញច្រានឲ្យមានតម្រូវការកាន់តែច្រើនឡើងៗក្នុងមួយឆ្នាំៗ ដែលបានបង្កឲ្យមានកាក់សំណស់ច្រើនរាប់រយលានតោនត្រូវចាក់ចូលសមុទ្រ និង ទន្លេ បឹងបួរ ផ្សេងៗជាច្រើន ។ ដែលនេះបានសរបញ្ជាក់ថាភពផែនដីដ៏អស្ចារ្យរបស់យើងនេះកាន់តែប្រែក្លាយជាភពពោលពេញទៅដោយភាពកង្វក់គួរឲ្យខ្ពើមនិងគួរឲ្យខ្លាច ដែលអាចធ្វើឲ្យភពដ៏មហិមាមួយនេះមិនរស់នៅបានបន្តទៀត ។ តាមការសនិដ្ឋានរបស់អ្នកជំនាញផ្នែកបរិស្ថានបានឲ្យដឹងថា ប្រសិនបើអ្នកទាំងអស់គ្នានៅតែនាំគ្នាបញ្ចេញកាកសំណល់ចូលទៅក្នុងសមុទ្រជារៀងរាល់ថ្ងៃនេះទៀតនោះត្រឹមតែឆ្នាំ ២០៥០ តែប៉ុណ្ណោះ ជាតិផ្លាស្ទិចនឹងមានច្រើនជាត្រីទាំងអស់នៅក្នុងសមុទ្រ ២ ដង ។
ដូច្នេះបានជាពួកយើងទាំងអស់គ្នាគួរតែរួមដៃគ្នាក្នុងការថែរក្សាបរិស្ថានភពផែនដីជាមួយនឹងការលុបបំបាត់ការបំផ្លាញ់ព្រៃឈើ ការកាត់បន្ថយការប្រើប្រាស់ថង់ផ្លាស្ទិច ជាដើម ។ ប្រសិនបើពួកអាចរួមគ្នាកាត់បន្ថយបានពិតមែននោះភពផែនដីដ៏អស្ចារ្យយើងនេះនឹងអាចមានភាពស្រស់ស្អាតបានយូលង់បន្តទៀត ៕
ដោយ៖តារា
