Peter Crouch ប្រាប់ពីតំបន់ដែល Bale ធ្វើបានល្អបំផុតនៅ Spurs ក្រោយត្រលប់ពី Real វិញ

50771
  • អតីតខ្សែប្រយុទ្ធរបស់ក្លឹបមាន់ខ្នាយមាស Tottenham Hotspur លោក Peter Crouch បានជ្រើសរើសតំបន់ដែល Gareth Bale បានធ្វើឱ្យប្រសើរឡើងច្រើនបំផុត បន្ទាប់ពីការវិលត្រឡប់ពី Real Madrid វិញ។ Bale បានធ្វើដំណើរត្រឡប់ទៅភាគខាងជើងនៃទីក្រុងឡុងដ៍ ក្នុងលក្ខខណ្ឌខ្ចីជើងរយៈពេលមួយរដូវកាលពីទីក្រុងម៉ាឌ្រីដកាលពីខែកញ្ញា ដោយបានចំណាយពេល ៧ ឆ្នាំចុងក្រោយនៃអាជីពរបស់គាត់នៅ La Liga ។ ខ្សែការពារអន្តរជាតិវេលស៍បានក្លាយជាកីឡាករដ៏សំខាន់ម្នាក់ក្នុងចំណោមតារាកំពូលរបស់ Spurs ក្នុងអំឡុងពេលប្រកបអាជីពលើកដំបូងនៅក្លិប ប៉ុន្តែពួកគេគ្មានសមត្ថភាពរារាំងគាត់ក្នុងការចាកចេញនៅឆ្នាំ ២០១៣ នៅពេលដែល Real បានជះលុយដ៏ច្រើនសន្ធឹកសន្ធាប់ជាមួយការដេញថ្លៃបំបែកកំណត់ត្រាពិភពលោក។ អតីតខ្សែប្រយុទ្ធរបស់ក្រុមមាន់ខ្នាយមាសលោក Crouch បាននិយាយនៅក្នុងកម្មវិធីមួយកាលីថ្ងៃទី២ ជាមួយ BCC ថា៖ “គាត់ពិតជាមានភាពប្រសើរឡើងជាមួយនឹងក្បាលរបស់គាត់ ខ្ញុំត្រូវតែនិយាយ។ គាត់មិនមែនជាអ្នកលេងបាល់នឹងក្បាលដ៏អស្ចារ្យនៅពេលខ្ញុំលេងជាមួយគាត់ទេ។ គាត់បានចាប់ផ្តើមនៅខ្សែការពារឆ្វេង បានធ្វើការនៅក្នុងប្រកួតរបស់គាត់ ហើយបានក្លាយជាកីឡាករលំដាប់ពិភពលោកនៅម៉ាឌ្រីដ”។ អតីតខ្សែប្រយុទ្ធអង់គ្លេសកម្ពស់លើស២ម៉ែត្ររូបនេះបន្តថា៖ “ខ្ញុំគិតថាគាត់ដឹងថាគាត់មានកំពស់ ៦ ហ្វីត គាត់ធំនិងរឹងមាំ ហើយបច្ចេកទេសគាត់ក៏ល្អ វាជាអ្នកលេងក្បាលដ៏អស្ចារ្យ។ វាពិតជាអ្វីដែលគាត់បានធ្វើការនៅម៉ាឌ្រីដ។ គាត់ពិតជាប្រសើរឡើង។ គាត់តែងតែស៊ុតបាល់បញ្ចូលទីពីខាងក្រៅប្រអប់ ហើយគាត់ចង់រកគ្រាប់បាល់ដែលមិនគួរឱ្យជឿ។ ឥឡូវនេះគាត់ពិតជាកីឡាករខុសគ្នា ជាងពេលដែលគាត់ចាកចេញទៅ Madrid”៕ ដោយ៖ តារា

    ប្រភព :
    Goal
  • ភ្ជាប់ទំនាក់ទំនងជាមួយ Merl Plus
  • អត្ថបទថ្មី