ខ្សែបម្រើ Ander Herrera ត្រៀមខ្លួនរួចរាល់ហើយដើម្បីធ្វើការចាកចេញពីក្លឹបបីសាចក្រហម Manchester United នៅក្នុងទីផ្សារដោះដូរកីឡាករនៅខែមករាខាងមុខនេះ បន្ទាប់ពីក្លិបបានពន្យាពេលផ្តល់ឱ្យរូបគេនូវកិច្ចព្រមព្រៀងថ្មីមួយ ។
កីឡាករសញ្ជាតិអេស្ប៉ាញរូបនេះបានបញ្ជាក់យ៉ាងច្បាស់ពីមុនថាគាត់ចង់បន្តនៅទឹកដី Old Trafford បន្តទៀត ប៉ុន្តែក្លឹបត្រូវបានធ្វើឱ្យរូបគេខកចិត្តយ៉ាងខ្លាំងដោយសារការអសកម្មពីសំណាក់ក្លឹបបិសាចក្រហមទាក់ទងនឹងការផ្ដល់កិច្ចសន្តាថ្មីដល់រូបគេ ។
ដូច្នេះអតីតខ្សែបម្រើរបស់ក្លឹប Sevilla រូបនេះចង់ធ្វើការចេញពីទឹកដីអង់គ្លេសប្រសិនបើមានក្លឹបណាមួយទាក់ទងចាប់អារម្មណ៍ចង់នាំយករូបគេនៅទីផ្សាដោះដូរកីឡាករបើកនាពេលខាងមុខនេះ នោះរូបគេនឹងចាកចេញភ្លាម ៕
ដោយ៖តារា
ប្រភព :
goal
