កីឡាករ Malcom ចង់ចូលរួមជាមួយក្លឹបនៅអង់គ្លេសនៅរដូវក្ដៅនេះ

5594

កីឡាករ Malcom ដែល Arsenal និង Spurs កំពុង​តែ​សំឡឹង​មើល​ចង់​បាន​នោះ បាន​បញ្ជាក់​ថា​គាត់​នឹង​ចាក​ចេញ​ពីក្លឹប​ Bordeaux នៅ​បារាំង​នៅ​រដូវ​ក្តៅ​នេះ។​ Malcom កំពុង​ស្ថិត​ក្នុង​កែវ​ភ្នែក​របស់​ក្លឹប​មួយគូ​នៅ​ Premier League អំឡុង​ពេល​បង្ហាញ​ការ​ផ្ទេរ​កាលពី​ខែ​មករា ខណៈ​ដែល​ Manchester United និង Bayern Munich ​ក៏​បាន​បង្ហាញ​ចំណាប់​អារម្មណ៍​លើ​កីឡាករ​សញ្ជាតិ​ប្រស៊ីល​រូប​នេះ​ដែរ។

Image result for Malcom

Bordeux បាន​បដិសេធ​​លើ​ការ​ចាក​ចេញ​របស់កីឡាករ​វ័យ ២០ឆ្នាំ​រូបនេះ​កាលពីខែ​មករា ដោយ​អ្នកចាត់ការ​ថ្មី​លោក Gus Poyet មិន​ចង់​ចូល​មក​កាន់​តំណែង​​ដោយ​មិនមាន​​កីឡាករ​ប្រយុទ្ធខ្លាំងដែល​អាច​ធានា​ភាព​ជោគ​ជ័យ​ឲ្យ​ក្រុម​ រហូត​ដល់​ចុង​រដូវ​កាលនោះ​ទេ ។ ប៉ុន្តែ​មក​ដល់ពេល​នេះរយពេលរបស់ Malcom ជិត​ចូល​ដល់​ខែ​ចុងក្រោយសម្រាប់​អាជីពនៅ​ Ligue 1 នេះ​ហើយ បន្ទាប់​ពី​បញ្ជាក់​អំពី​គោលបំណង​នៃ​ការ​ចាក​ចេញ​ពីក្លឹប។ Malcom បាន​ប្រាប់​គេហទំព័រ​របស់ប្រេស៊ីល UOL ថា «បាទ ពិតជាមាន​ការសន្យា​ថា​ខ្ញុំ​នឹង​ធ្វើ​ការ​ចរចារ​នៅខែ​មិថុនាមែន»

Image result for Malcom

«ខ្ញុំ​នឹង​ធ្វើការ​ជ្រើសរើស​ក្រុម ហើយ​ Bordeaux នឹង​អនុញ្ញាត​ឲ្យខ្ញុំ​ទៅ។ ខ្ញុំ​បាន​និយាយហើយថា ខ្ញុំ​ចង់​ចាកចេញ​នៅ​រដូវរងារនេះ​ដើម្បី​ទទួល​ការ​ប្រកួតប្រជែងថ្មីៗ។ ប៉ុន្តែ​ខ្ញុំ​ត្រូវ​តែចង់​ចាំ​គុណ​បំណាច់​របស់ Bordeaux ដែល​បាន​ជួយខ្ញុំមកច្រើនណាស់។ «ខ្ញុំ​បាន​សន្យា​ជាមួយ Bordeaux ថា ខ្ញុំ​នឹង​បន្តនៅនៅជាមួយ​ក្លឹប ដើម្បី​មាន​ពេលវេលា​គ្រប់គ្រាន់​ក្នុង​ការ​ជ្រើស​រើស​ក្លឹប​ថ្មី​នា​ពេល​អនាគត។ «រយៈពេល​បី ឬបួន​ខែ​ខាងមុខ​នឹង​មាន​ភាព​ខុសប្លែក​យ៉ាងខ្លាំង​ចំពោះខ្ញុំ។»

ដោយ៖ តារា

ប្រភព :
ភ្ជាប់ទំនាក់ទំនងជាមួយ Merl Plus
  • អត្ថបទថ្មី