ខ្សែការពារស្លាបឆ្វេង Marcelo បានបញ្ជាក់យ៉ាងច្បាស់ថាលោកនឹងចូលនិវត្តន៍នៅក្លឹប Real Madrid ក្រោយពីបានច្រានចោលនូវពាក្យចចារអារ៉ាមដែលថាលោកនឹងផ្ទេរទៅកាន់ក្រុមម្ចាស់ជើងឯកក្របខ័ណ្ឌ Serie A ៧ សម័យកាលក្លឹប Juventus ទៅតាមអតីតមិត្តរួមក្រុមរបស់ខ្លួន Cristiano Ronaldo ។

ខ្សែការពារអន្តរជាតិប្រេស៊ីលរូបនេះត្រូវបានសារពត៌មានជាច្រើនបានចុះផ្សាយថារូបគេគឺជាគោលដៅដ៏ធំមួយសម្រាប់ក្លឹបសេះបង្កង់ Juventus ក្រោយពីអតីតមិត្តរួមក្រុមរបស់ខ្លួនកីឡាករ Cristiano Ronaldo បានផ្ទេរទៅកាន់ទីក្រុង Turin កាលពីរដូវក្ដៅនេះ ។ Marcelo បាននិយាយទៅកាន់អ្នកគាំទ្ររបស់គាត់ថា នៅថ្ងៃអនាគតគាត់មានគម្រោងនឹងបញ្ចប់អាជីពរបស់គាត់នៅឯកីឡដ្ឋាន Santiago Bernabeu ដែលជាទីកន្លែងដែលកីឡាករវ័យ ៣០ ឆ្នាំរូបនេះបានឈ្នះពានរង្វាន់ Champions League បីដងជាប់គ្នានិងសរុបចំនួន ៤ ដងចាប់តាំងពីគាត់បានចាកចេញពិក្លឹប Fluminense កាលពីឆ្នាំ ២០០០៧ ។

Marcelo បានប្រាប់ទូរទស្សន៍របស់ក្លិប Real Madrid ថា៖ “វាគឺជារឿងមួយដែលមិនសូវមានតម្លៃក្នុងការពិភាក្សានោះទេ ។ ខ្ញុំពិតជារីករាយណាស់នៅឯក្លឹប Real Madrid វាគឺជាផ្ទះរបស់ខ្ញុំ ហើយខ្ញុំមានកិច្ចសន្យាជាច្រើនឆ្នាំរបស់ខ្ញុំ ។ ខ្ញុំពិតជារីករាយណាស់នៅទីនេះ វាគឺជាក្លឹបដ៏ល្អបំផុតនៅក្នុងពិភពលោក ហើយខ្ញុំតែងតែចង់លេងឱ្យបានល្អបំផុត ។ វាជាការល្អក្នុងការនិយាយពីវាព្រោះវាតែងតែមានពាក្យចចាមអារ៉ាមហើយវាជាការលំបាកសម្រាប់ខ្ញុំដើម្បីបន្តបង្ហាញថាខ្ញុំចង់នៅទីនេះហើយអាចលេងនៅទីនេះ ។ ខ្ញុំតែងតែផ្តល់ឱ្យវានូវអ្វីដែលល្អបំផុតរបស់ខ្ញុំដើម្បីក្លាយជាក្លឹបដ៏ល្អបំផុតនៅក្នុងពិភពលោក ។ ខ្ញុំគ្រាន់តែបន្តធ្វើការងាររបស់ខ្ញុំ តែខ្ញុំត្រូវតែបង្ហាញពីអ្វីដែលខ្ញុំអាចធ្វើបានជារៀងរាល់ឆ្នាំ “។

ខ្សែការពារឆ្នើមរបស់ក្រុម ស៊ាំបា ប្រេស៊ីល រូបនេះបន្តថា៖ “ខ្ញុំរីករាយនឹងរាល់ពេលលេងឱ្យក្លឹប Real Madrid ហើយជាធម្មតាខ្ញុំផ្តល់អ្វីគ្រប់យ៉ាងដែលខ្ញុំមាន ខ្ញុំធ្វើអ្វីៗដែលខ្ញុំអាចធ្វើបានដើម្បីធ្វើឱ្យប្រាកដថាអ្នកគាំទ្ររីករាយជាមួយបាល់ទាត់ហើយថាម៉ាឌ្រីដគឺជាក្លឹបកំពូលនៅគ្រប់ទីកន្លែងដែលជាកម្មសិទ្ធិរបស់ពួកគេ ។ ខ្ញុំនៅម៉ាឌ្រីដអស់រយៈពេលជាច្រើនឆ្នាំហើយខ្ញុំពិតជាស្ងប់ស្ងាត់អំពីរឿងនេះហើយខ្ញុំចង់បន្តនៅក្លឹប Real Madrid ។ មនុស្សជាច្រើនដែលនៅពីក្រោយប្រព័ន្ធផ្សព្វផ្សាយសង្គមបានលាតត្រដាងពាក្យចចាមអារ៉ាមដ៏គួរឱ្យអស់សំណើចនិងបង្កឱ្យមានបញ្ហាដែលពួកគេមិនមាន ។ ខ្ញុំឃ្លានខ្លាំងណាស់នៅពេលខ្ញុំមានអាយុ ១៨ ឆ្នាំហើយខ្ញុំនឹងនៅទីនេះរហូតដល់ទីបញ្ចប់” ។

គួរបញ្ជាក់ផងដែរថាក្លឹបអធិរាជស Real Madrid បានចាប់ផ្តើមរដូវកាលក្នុងក្របខ័ណ្ឌ La Liga បានយ៉ាងល្អបំផុតដោយមិនទាន់ស្គាល់ពាក្យថាចាញ់នៅឡើយទេរយះពេល ៣ ប្រកួតកន្លងមកនេះ ប៉ុន្តែបានត្រឹមតែលេខ ២​ ក្រោយពីចាញ់គ្រាប់បាល់របស់ក្លឹបអ្នកមានបុណ្យ FC Barcelona  ដែលមាន ៩ ពិន្ទុដូចគ្នា ៕

ដោយ៖តារា​