Luka Modric បាននិយាយថាអតីតកីឡាករមិត្តរួមក្រុម Real Madrid កីឡាករ Cristiano Ronaldo បានប្រាប់គាត់ថាគាត់សមនឹងទទួលបានពានរង្វាន់កីឡាករឆ្នើមប្រចាំ UEFA រដូវកាល ២០១៧-១៨ ។ Luka Modric ផ្តួល Ronaldo និង Mohamed Salah សម្រាប់ពានរង្វាន់ដែលត្រូវបានបង្ហាញកាលពីសប្តាហ៍មុននៅក្នុងការប្រកួតក្របខ័ណ្ឌ Champions League ក្នុងទីក្រុង ម៉ូណាកូ ។
Cristiano Ronaldo មិនបានទៅចូលរួមនៅក្នុងព្រឹត្តិការណ៍នេះនោះឡើយ ហើយភ្នាក់ងាររបស់គាត់លោក Jorge Mendes បាននិយាយថា Ronaldo មិនបានឈ្នះគឺជារឿងមួយគួរឱ្យអស់សំណើចនិងគួរឱ្យអាម៉ាស់បំផុត ។ ថ្លែងបន្ទាប់ពីព័រទុយហ្គាល់និងក្រូអាតបានប្រកួតស្មើគ្នា ១-១ កាលពីថ្ងៃព្រហស្បតិ៍ម្សិលមិញនេះ ខ្សែបម្រើ Luka Modric បាននិយាយថា Ronaldo បានប្រាប់គាត់ថាគាត់សមនឹងទទួលបានពានរង្វាន់នេះ ។
ប្រធានក្រុមក្រូអាតរូបនេះបានប្រាប់ RTP3 ថា៖ ” Cristiano បានផ្ញើសារមួយមកខ្ញុំបានអបអរសាទរខ្ញុំ ហើយបានប្រាប់ខ្ញុំថាគាត់សប្បាយរីករាយចំពោះខ្ញុំ ហើយខ្ញុំសមនឹងទទួលបានវា ។ គាត់ក៏និយាយផងដែរថាគាត់មិនអាចរង់ចាំជួបខ្ញុំម្តងទៀតបានទេ” ។
តារាទាំងពីរត្រូវបានគេប្រជែងគ្នាដើម្បីទទួលបានពានរង្វាន់មួយផ្សេងទៀតដោយកីឡាករ Ronaldo, Modric និង Salah ក៏ត្រូវបានជ្រើសរើសជាកីឡាករឆ្នើមប្រចាំឆ្នាំរបស់ FIFA ផងដែរ ។ អតីតកីឡាកររបស់ Spur រូបនេះបានបន្តថា៖ “ខ្ញុំសប្បាយរីករាយណាស់ដែលបានចូលរួមនៅក្នុងការប្រកួតវគ្គផ្តាច់ព្រ័ត្រដ៏ធំមួយទៀត យើងនឹងមើលឃើញអ្វីដែលនឹងកើតឡើង ។ ខ្ញុំមានទំនាក់ទំនងល្អជាមួយ Cristiano Ronaldo ហើយយើងនឹងមានទំនាក់ទំនងល្អនាពេលអនាគតផងដែរ ។ រង្វាន់បុគ្គលមានសារៈសំខាន់ ប៉ុន្តែខ្ញុំមិនជក់ចិត្តនឹងពួកគេទេ” ៕
ដោយ៖តារា
