Hulk ប្រាប់ថាកំពុងសប្បាយចិត្តនៅចិន

8480

កំពូលតារា​ប្រេស៊ីលគឺកីឡាករ Hulk របស់​ក្លិប Shanghai SIPG បាន​ឆ្លើយ​បក​ទៅវិញចំពោះអ្នកដែល​រិះ​គន់​ការ​ផ្លាស់​មក​កាន់​ប្រទេស​ចិនកាលពី ១៨ ខែមុន ដោយ​បាន​ប្រកាស​ថា​រូបគេ​មិន​មាន​ការ​ស្តាយ​ក្រោយ​ឡើយ ចំពោះ​ការ​សម្រេច​ចិត្ត​ចុះកុងត្រាជាមួយក្លិប​ចិន​មួយ​នេះ។

Image result for Hulk with Shanghai SIPG

Hulk បាន​បំបែកកំណត់​ត្រា​ផ្ទេរដែល​មាន​តម្លៃ​ខ្ពស់​បំផុត​នៅអាស៊ី នៅ​ពេល​ដែល​រូបគេ​បាន​ចុះកុងត្រាជាមួយ​ Shanghai SIPG ក្នុង​តម្លៃ​ដែល​ត្រូវបាន​ឲ្យ​ដឹង​ថា ៦០ លាន​ដុល្លារ កាលពីខែ មិថុនា ២០១៦។ ពេល​នេះ Hulk បាន​ក្លាយ​ជា​កីឡាករ​ប្រយុទ្ធដ៏គួរ​ឲ្យ​ក្លាច​បំផុត​នៅ​អាស៊ីទាំងមូល។ គាត់បាន​រំលឹក​ការចងចាំថា “មាន​ព័ត៌មាន​ជាច្រើន ខ្លះ​ក៏ជាការរិះគន់ ដោយ​សារ​តែខ្ញុំ​ជ្រើស​រើស​ប្រទេសចិន តែ ១៨ ខែ​ក្រោយ​មក​ខ្ញុំអាច​និយាយបាន​ថា​ខ្ញុំសុខសប្បាយ និង​រីករាយខ្លាំងណាស់នៅទីនេះ​”។ “ខ្ញុំមិនសោកស្តាយ​នោះទេ”។

Image result for Hulk with Shanghai SIPG

“ខ្ញុំបានសម្របខ្លួនបាន​យ៉ាងល្អនៅទីនេះ គ្រួសារ​របស់​ខ្ញុំ​ក៏បាន​សម្របខ្លួន​រស់នៅទីនេះ កូន​ៗរបស់ខ្ញុំពេញ​ចិត្ត​ទីនេះ ហើយ​ប្រពន្ធរបស់ខ្ញុំក៏ពេញចិត្ត​ដែរ។ ដូច្នេះគឹខ្ញុំត្រូវតែអរគុណ​ដល់​ព្រះជាម្ចាស់​ដែល​បាន​ផ្តល់​ឱកាស​នេះដល់​ខ្ញុំ។ ខ្ញុំពិតជា​រីករាយ និង​សង្ឃឹម​ថា​អាច​បន្ត​រស់​នៅ​ទីនេះ​យូរទៅមុខ​ទៀត ដើម្បី​ឲ្យ​ខ្ញុំ​អាច​សាង​ប្រវត្តិ​របស់​ខ្ញុំបាន​ដូចនៅ ព័រទុយកាល់ រុស្ស៊ី និង ជប៉ុន ដែរ។” កីឡាករ​វ័យ ៣១ ឆ្នាំរូបនេះ​ដែល​កន្លង​មក​បាន​ស៊ុតបញ្ចូលទីបាន ៣៤ គ្រាប់​ក្នុង​ការ​ប្រកួត ៥២ លើក​ឲ្យ​ក្លិប Shanghai SIPG យល់​ថា​បាល់​ទាត់​ចិន​កំពុង​តែដើរ​លើ​មាគា៌​ដ៏ត្រឹមត្រូវ និង​បាន​និយាយ​ថា​ លីគចិន​គឺ​ខ្លាំងណាស់​មិន​ដូច​អ្នក​ក្រៅ​​និយាយ​នោះទេ។

ភ្ជាប់ទំនាក់ទំនងជាមួយ Merl Plus
  • អត្ថបទថ្មី