អតីតខ្សែប្រយុទ្ធរបស់ក្លឹប Sheffield Wednesday និងបែលហ្ស៊ិកលោក Marc Degryse បាននិយាយថាខ្សែប្រយុទ្ធឆ្នើមរបស់ក្រុមតោខៀវ Chelsea មិនគួរស្នាក់នៅ Stamford Bridge លើសពីរដូវកាលនេះទៀតនោះទេ ។ គាត់បានទទូចថា Hazard មិនគួរខ្ជះខ្ជាយពេលវេលារបស់គាត់ក្នុងការលេងក្នុងក្របខ័ណ្ឌ Europa League ទៀតនោះឡើយ ។
បុរសវ័យ ៥៣ ឆ្នាំរូបនេះបានប្រាប់វេបសាយព័ត៌មាន Het Nieuwsblad ថា៖ “ជាការប្រសើរណាស់ខ្ញុំគិតថា Hazard អាចប្រើប្រាស់ការផ្ទេរទៅកាន់ក្រុម Real Madrid ច្រើនជាង Courtois ។ កម្រិតរបស់ Hazard នៅពីលើក្រុមតោខៀវ Chelsea វាជាការចម្លែកដែលកីឡាករបាល់ទាត់ល្អបំផុតមួយក្នុងពិភពលោកនឹងមិនចូលរួមប្រកួត Champions League នោះ ។ នេះពិតជាត្រូវតែជារដូវកាលចុងក្រោយរបស់គាត់នៅ Chelsea ។ Chelsea មិនស្ថិតក្នុងកម្រិត Real Madrid, Barcelona, ក្លិប Bayern Munich នោះទេ ហើយក្លិបទាំងនេះគួរតែជាកន្លែងសម្រាប់គាត់នៅថ្ងៃអណាគត “។
កាលពីពីរសប្តាហ៍មុនឪពុករបស់ Hazard លោក Thierry Hazard បានធ្វើបទសម្ភាសន៍ជាមួយការសែត Het Nieuwsblad ដែលគាត់បាននិយាយអំពីក្លឹប Real Madrid ចង់បានកូនប្រុសរបស់គាត់ថា៖ “ខ្ញុំមិនអាចនិយាយបានថាហេតុអ្វីបានជាវាមិនឆ្លងកាត់ ។ មិនមែនដោយសារតែខ្ញុំមិនចង់ទេ ប៉ុន្តែដោយសារតែខ្ញុំមិនដឹង ។ នៅឆ្នាំក្រោយ Eden នឹងនៅសល់កុងត្រាមួយឆ្នាំជាមួយក្រុមតោខៀវ ប៉ុន្តែប្រហែលជាមិនអាចបញ្ចប់ផ្ទេរទៅ Madrid ទេ “។
លោក Thierry Hazard បានកត់ត្រាថាបច្ចុប្បន្នលោក Zinedine Zidane ដែលជាអ្នកគាំទ្រដ៏ធំមួយរបស់កូនប្រុសរបស់គាត់ដែលមិនមានទំនួលខុសត្រូវលើក្រុម Los Blancos ទៀតទេ លោកបន្តទៀតថា៖ “ប្រហែលជារឿងរ៉ាវផ្សេងគ្នាជាមួយ Zidane ។ ប៉ុន្តែបន្ទាប់មកគាត់នឹងមានហេតុផលដើម្បីចាកចេញ “៕
ដោយ៖តារា
