អតីតអ្នកចាំទីដៃស្អិតរបស់ក្លឹប Real Madrid Iker Casillas បានប្រាប់ដល់ការសែត Expresso នៅពេលសួរថាតើលោកចង់ក្លាយជាគ្រូបង្វឹកអ្នកចាំទីដែរឬទេ?
អ្នកចាំទីរបស់ក្លឹប Porto រូបនេះបាននិយាយថា៖ “ទេប្រសិនបើអ្នកចង់ក្លាយជាគ្រូបង្វឹកអ្នកមិនគួរត្រឹមតែបង្ហាត់អ្នកចាំទីទេអ្នកត្រូវតែបញ្ជូនចំណេះដឹងដល់កីឡាករទាំងអស់ ។ មានសំណាងដែលបានជួបប្រទះច្រើនហើយវានឹងជាការល្អក្នុងការបញ្ជូន បទពិសោធន៍របស់ខ្ញុំទៅឲ្យកីឡាករទាំងអស់ ។ អ្នកកំពុងគិតអំពីអ្វីដែលអាចកើតមានឡើងក្នុងរយៈពេលប៉ុន្មានឆ្នាំខាងមុខនេះវាគឺជាធម្មជាតិនៃជីវិត ខ្ញុំមិនអាចលេងបាល់ទាត់ ១០ ឆ្នាំទៀតនោះទេ ខ្ញុំគិតថាខ្ញុំមិនអាចលេងរហូតដល់ខ្ញុំអាយុ ៤៧ ឆ្នាំនោះទេ ។ ពេលខ្ញុំមានអាយុ ១៧ ឆ្នាំ ខ្ញុំគិតថាខ្ញុំនឹងលេងរហូតដល់អាយុ ២៧ ឆ្នាំហើយបន្ទាប់មកខ្ញុំមានអាយុ ៣២ ឆ្នាំ ។ ខ្ញុំខិតខំចូលនិវត្តន៍ជាងការចូលលេងដូច្នេះខ្ញុំត្រូវរីករាយជាមួយពេលវេលាខណៈពេលដែលខ្ញុំនៅទីនេះ”។
កាលពីខែឧសភាកន្លងទៅនេះក្លឹបយក្សរបស់ព័រទុយហ្គាល់មួយនេះបានប្រកាសថាអតីតអ្នកចាំទីរបស់ក្លឹប Real Madrid រូបនេះបានបន្តកិច្ចសន្យារយៈពេលមួយឆ្នាំទៀតដែលមានសុពលភាពរហូតដល់រដូវក្តៅឆ្នាំ ២០២០ ។ គាត់បាននិយាយថាគាត់បានកាត់ប្រាក់បៀវត្សរ៍របស់ខ្លួនចំនួន ៥ លានអឺរ៉ូក្នុងមួយរដូវកាលដើម្បីពង្រីកកិច្ចព្រមព្រៀងនេះ ។ Iker Casillas បានចូលរួមជាមួយនឹងក្លឹប Porto កាលពីឆ្នាំ ២០១៥ និងបានបង្ហាញខ្លួនចំនួន ១១៤ លើកសម្រាប់ក្លឹបយក្សព័ទុយហ្គាល់មួយនេះចាប់តាំងពីផ្ទេរពីក្លឹបអធិរាជស Real Madrid នេះមក ៕
ដោយ៖តារា
