ខ្សែប្រយុទ្ធ Lionel Messi គឺជាកីឡាករដ៏អស្ចារ្យបំផុតគ្រប់ពេល ប៉ុន្តែឆ្នាំ ២០១៨ នេះគឺជាឆ្នាំរបស់ Luka Modric ។ នេះបើយោងតាមខ្សែបម្រើសញ្ជាតិក្រូអាត Ivan Rakitic

Luka Modric បានឈ្នះពានរង្វាន់កីឡាករឆ្នើមប្រចាំឆ្នាំរបស់ UEFA ហើយលោកកំពុងស្ថិតក្នុងបញ្ជីឈ្មោះកីឡាករចំនួន ៣ នាក់ចុងក្រោយដើម្បីដណ្ដើមប្រជែងយកពានកីឡាករល្អបំផុតរបស់ FIFA បន្ទាប់ពីបានជួយឱ្យ Real Madrid ឈ្នះពានរង្វាន់ Champions League លើកទី ៣ ជាប់ៗគ្នា មុនពេលឈានដល់វគ្គផ្តាច់ព្រ័ត្រ World Cup ជាមួយនឹងប្រទេសក្រូអាត ។

ទោះបីជាយ៉ាងណាក៏ដោយខ្សែប្រយុទ្ធរបស់ក្រុម FC Barcelona កីឡាករ Messi ដែលជាម្ចាស់ពាន Ballon d’Or ៥ សម័យកាលត្រូវបានមើលរំលងដោយ FIFA ខណះអតីតខ្សែប្រយុទ្ធឆ្នើមរបស់ក្លឹប Real Madrid កីឡាករ Cristiano Ronaldo និង Mohamed Salah របស់ Liverpool ជាបេក្ខភាពចុងក្រោយ ។ Ivan Rakitic គឺជាមិត្តរួមក្រុមជាមួយ Messi ហើយមិនស្ថិតក្នុងភាពស្រពិចស្រពិលដែលនិយាយថាកីឡាករដែលមានអាយុ ៣១ ឆ្នាំគឺជាកីឡាករល្អបំផុតនោះទេ ប៉ុន្តែខ្សែបម្រើក្លឹប Barca រូបនេះបានអះអាងថា Modric ដែលបានឈ្នះពានរង្វាន់បាល់មាសពិភពលោកគឺជាអ្នកទទួលបានពានមួយនេះនៅឆ្នាំនេះ ។

Rakitic បានប្រាប់ក្រុមអ្នកយកព័ត៌មានកាលពីថ្ងៃអង្គារថា៖ “មានរដូវកាលដែលអ្នកអាចធ្វើបានល្អឬមិនបាន ។ សម្រាប់ខ្ញុំជាទូទៅកីឡាករល្អបំផុតនៅលើពិភពលោកនិងប្រហែលជាធំបំផុតគ្រប់ពេលទាំងអស់គឺ Leo Messi វាងាយស្រួលទេ ដោយអ្នកសួរក្មេងប្រុសចំនួន ១០ នាក់នោះក្មេងប្រុស ៩ នាក់នឹងនិយាយដូចគ្នា ។ ប៉ុន្តែខ្ញុំគិតថាវាជាឆ្នាំរបស់ Luka ដោយស្មោះខ្ញុំគិតថាវាជាអ្វីដែល Leo និងមនុស្សទាំងអស់ដឹងគាត់ ( Modric ) សមនឹងទទួលបានពានរង្វាន់ទាំងអស់ ។

ខ្សែបម្រើឆ្នើមរបស់ Barce រូបនេះបន្តថា៖ “ដោយស្មោះត្រង់ប្រសិនបើគាត់ទទួលបានពានរង្វាន់កីឡាករល្អបំផុតនៅអ៊ឺរ៉ុប … ខ្ញុំមិនដឹងថាគាត់ត្រូវធ្វើអ្វីដើម្បីក្លាយជាកីឡាករល្អបំផុតនៅលើពិភពលោកជាមួយនឹងអ្វីដែលគាត់បានធ្វើនោះទេ ។ ខ្ញុំមិនចាំបាច់ជួយគាត់ក្នុងនាមជាមិត្តល្អរបស់គាត់ដូចខ្ញុំទេ គាត់បានធ្វើអ្វីៗគ្រប់យ៉ាងដោយខ្លួនឯងគ្មាននរណាម្នាក់ផ្តល់ឱ្យគាត់ទេ ។ ចំពោះខ្ញុំវាច្បាស់ណាស់ថាគាត់ត្រូវតែជា Luka ( សំរាប់ពានរង្វាន់ល្អបំផុតរបស់ FIFA ) ៕

ដោយ៖តារា