លោក Guardiola អំពាវនាវឱ្យ Sane ធ្វើការឆ្លើយតបឲ្យបានសមរម្យអំពីការចាប់ផ្តើមដ៏យឺតយ៉ាវរបស់គេ

10774
  • លោក Pep Guardiola ដែលជាអ្នកចាត់ការក្លឹបមាឃខៀវ Manchester City បានជំរុញឱ្យកីឡាករ Leroy Sane ឆ្លើយតបបន្ទាប់ពីការចាប់ផ្តើមដ៏យឺតយ៉ាវរបស់គេនៃរដូវកាលថ្មីនេះ ។

    Image result for Pep Guardiola

    កីឡាករវ័យ ២២ ឆ្នាំរូបនេះបានឈ្នះពានរង្វាន់កីឡាករឆ្នើមប្រចាំឆ្នាំរបស់ PFA ខណៈដែលក្លឹប Man City បានឈ្នះពានរង្វាន់លីគ ប៉ុន្តែគាត់មិនទាន់ចាប់ផ្តើមការប្រកួតនៅក្របខ័ណ្ឌ Premier League នៅរដូវកាលថ្មី ២០១៨-១៩ នៅឡើយទេ ។ លោក Guardiola បានអំពាវនាវឱ្យ Sane ដែលបានលេងត្រឹមតែ ៣០ នាទីនៅក្នុងលីកនៅរដូវកាលនេះឲ្យធ្វើការវិលត្រឡប់មកវិញ ប៉ុន្តែលោកបាននិយាយថាវាឆាប់ពេកក្នុងការវិនិច្ឆ័យអំពីអតីតខ្សែប្រយុទ្ធរបស់ក្លិប Schalke រូបនេះ ។

    Image result for Pep Guardiola with Leroy Sane

    លោក Guardiola បានប្រាប់សន្និសីទសារព័ត៌មានមុនពេលការប្រកួតរបស់ក្រុម Man City ទល់នឹងក្រុម Fulham ថា៖ “រូបគេនឹងក្លាយជាកីឡាករដ៏សំខាន់ម្នាក់សម្រាប់ក្លឹប ។ រដូវកាលនេះនឹងត្រូវបានវិនិច្ឆ័យក្នុងរយៈពេល ១១ ខែ មិនមែនបីសប្តាហ៍ទេគាត់ជាមនុស្សល្អហើយខ្ញុំមិនមានពាក្យមិនល្អអំពីគាត់នោះទេ ។ គាត់ត្រូវតែឆ្លើយតបតាមរបៀបត្រឹមត្រូវគាត់មានសមត្ថភាពប្រកួតប្រជែងនិងមានលក្ខណៈអាជីព ហើយពេលខ្លះសម្រាប់កីឡាករខ្លះវាគឺជាការចាប់ផ្តើមយឺតយ៉ាវ ។ កីឡាករមួយចំនួននៅចុងបញ្ចប់នៃរដូវកាលធ្លាក់ចុះទម្រង់លេង ។ យើងមិនអាចបំភ្លេចបានទេគាត់មានអាយុ ២២ ឆ្នាំ ដូចគ្នាជាមួយ Bernardo Silva Gabriel Jesus,  Raheem Sterling  អ្នកផ្សេងទៀតគឺវ័យក្មេងហើយគាត់កំពុងធំធាត់ ។ រឿងសំខាន់បំផុតគឺព្យាយាមជួយគាត់” ។

    Leroy Sane ដែលបានចូលរួមជាមួយក្លឹបយក្សអង់គ្លេសមួយនេះកាលពីឆ្នាំ ២០១៦ បានបញ្ចប់កាលពីរដូវកាលមុនជាមួយនឹងគ្រាប់បាល់ចំនួន ១០ គ្រាប់និងបញ្ចូនបាល់ឲ្យគេស៊ុតចំនួន ១៥ ដងផងដែរនៅក្នុងលីគ ។ លោក Guardiola បាននិយាយថាគាត់នៅតែចង់ធ្វើការជាមួយ Sane ប៉ុន្តែលោកបាននិយាយទៀតថាដូចកីឡាករ Silva ដែលបានចាប់ផ្តើមត្រឹមតែ ១៥ ប្រកួតកាលពីរដូវកាលមុនក៏មានឱកាសផងដែរ ។

    Related image

    អតីតគ្រូបង្វឹករបស់ Barce និង Bayern រូបនេះបានបន្តថា៖ “ខ្សែបម្រើ Bernardo Silva បានចាប់ផ្តើមក្នុងលក្ខខណ្ឌមិនគួរឱ្យជឿហើយរូបគេសមនឹងលេងបានយ៉ាងល្អ ។ វាជាបញ្ហាប្រឈមសម្រាប់ពួកគេទាំងអស់ហើយក៏ជាបញ្ហាប្រឈមសម្រាប់ខ្ញុំ ហើយពួកគេគឺរក្សាកម្រិតនោះ ។ គ្រប់ៗគ្នាគឺនៅទីនេះពីព្រោះបន្ទាប់ពីបីរដូវកាលខ្ញុំចង់ធ្វើការជាមួយពួកគេវាសាមញ្ញដូចនេះ “៕

    ដោយ៖តារា

    ប្រភព :
    goal
    ភ្ជាប់ទំនាក់ទំនងជាមួយ Merl Plus
  • អត្ថបទថ្មី