Moyes ៖ ប្រសិនបើខ្ញុំទទួលបានការផ្ដល់ជូនការងារនៅ Man Utd នៅថ្ងៃនេះ ខ្ញុំនឹងនិយាយថា Yes ភ្លាម

7740

លោក David Moyes បានទទួលស្គាល់ថាគាត់នឹងទទួលយកការងាររបស់ក្លឹបបីសាចក្រហម Manchester United ម្តងទៀត ប្រសិនបើវាត្រូវបានផ្តល់ជូន នេះបើយោងតាមសារព័ត៌មាន Daily Express ។

Related image

គ្រូបង្វឹករបស់ក្លឹប West Ham United រូបនេះបាននិយាយថា៖ “គ្មាននរណាម្នាក់ទទួលបានការងាររបស់ Man United ដោយគ្មានកម្រិតនៃភាពជោគជ័យនិងដែលខ្ញុំបានធ្វើវាអស់រយះពេល ១១ ឆ្នាំនៅ Everton ។ ប្រសិនបើខ្ញុំទទួលបានការផ្តល់ជូនដូចគ្នានៅថ្ងៃនេះ ខ្ញុំនឹងនិយាយថា Yes ភ្លាម ។ ខ្ញុំចូលចិត្តពេលវេលារបស់ខ្ញុំ ប៉ុន្តែនឹងចូលចិត្តអ្វីៗបន្ថែមទៀត ។ ក្រុមនោះត្រូវការការវិវត្ត ប៉ុន្តែវាមិនអាចធ្វើបានទេក្នុងរយៈពេល ១០ ខែ”។

Image result for david moyes

អតីតអ្នកចាត់ការរបស់ក្លឹបបីសាចក្រហម Manchester United រូបនេះបានបន្តថា៖ “ខ្ញុំមិនខ្វល់ថាអ្នកគ្រប់គ្រងណាមកក្រោយលោក Sir Alex Ferguson នោះទេ ខ្ញុំគិតថាពួកគេនឹងមានការលំបាកដូចគ្នា ។ មនុស្សជាច្រើននិយាយថាអ្នកមកក្រោយលោក Sir Alex មិនអាចល្អទេ ប៉ុន្តែខ្ញុំគិតថាវាផ្ទុយទៅវិញ ។ ទាំងលោកនិងលោក David Gill ពិតជាមានការគាំទ្រណាស់ ។ ប៉ុន្តែខ្ញុំដឹងថាយើងកំពុងតែវិនិយោគលើលទ្ធផល ហើយខ្ញុំមិនទទួលបានគ្រប់គ្រាន់ទេ “៕

ដោយ៖តារា

ប្រភព :
tribuna
ភ្ជាប់ទំនាក់ទំនងជាមួយ Merl Plus
  • អត្ថបទថ្មី