កំពូលខ្សែប្រយុទ្ធវ័យ ៣៣ ឆ្នាំ Cristiano Ronaldo ស្ថិតនៅលើរ៉ាដាតាមទិញរបស់ក្លឹបអ្នកមាន Paris Saint-Germain ប៉ុន្តែទាស់តែកីឡាករ Neymar ឬ Kylian Mbappe ចាកចេញទើបក្លឹបយក្សរបស់បារាំងអាចទិញកីឡាករសញ្ជាតិព័ទុយហ្គាល់រូបនេះ បាន ។ នេះបើយោងតាមការសែត Le10sport ចុះផ្សាយ
ម្ចាស់ជើងឯកក្របខ័ណ្ឌ Ligue 1 មួយនេះបានទាក់ទងទៅកាន់ភ្នាក់ងាររបស់កីឡាករ Ronaldo គឺលោក Jorge Mendes នៅនិទាឃរដូវនៅពេលដែលពួកគេដឹងច្បាស់ថាម្ចាស់ពានរង្វាន់ Ballon d’Or ប្រាំសម័យកាលរូបនេះចង់ចាកចេញពីក្លឹប Real Madrid ។
Paris Saint-Germain មានការព្រួយបារម្ភជាមួយច្បាប់ Financial Play Fair និងអាចលក់កីឡាករម្នាក់ក្នុងចំណោមកំពូលតារាឆ្នើមទាំងពីររបស់ពួកគេ ខណៈដែលពួកគេអាចនឹងទិញ Ronaldo ប្រសិនបើក្នុងចំណោមកីឡាករទាំងពីរនាក់មានម្នាក់ណាចាកចេញ ៕
ដោយ៖តារា
ប្រភព :
goal
