Zlatan Ibrahimovic ជឿជាក់ថាលោក Jose Mourinho អាចនឹងឈ្នះពានរង្វាន់ក្របខ័ណ្ឌ Premier League ជាមួយក្លឹបបីសាចក្រហម Manchester United ប៉ុន្តែបានព្រមានថាគ្រូបង្វឹកសញ្ជាតិព័រទុយហ្គាល់រូបនេះមិនអាចធ្វើការងារអស្ចារ្យបាននោះឡើយ ។
ដោយបានចុះកិច្ចសន្យាថ្មីកាលពីខែមករានោះរួចមកមិនមានសញ្ញាបង្ហាញថាលោក Mourinho អាចនឹងចាកចេញពីតំណែងរបស់គាត់នោះឡើយ ។ Ibrahimovic ជឿជាក់ថានេះគឺជាជំហរត្រឹមត្រូវជាមួយនឹងអ្នកឈ្នះរង្វាន់ដែលត្រូវបានអនុញ្ញាតឱ្យធ្លាក់ចុះដោយអ្នកដែលនៅជុំវិញគាត់ ខណៈដែលក្រុមបីសាចក្រហមកំពុងស្វែងរកវិធីដើម្បីវិលទៅកាន់ដំណែងកំពូលវិញនៅក្នុងក្របខ័ណ្ឌ Premier League ។
អតីតខ្សែប្រយុទ្ធរបស់ក្លឹបបិសាចក្រហមរូបនេះបានប្រាប់ The Mirror ថា៖ “ខ្ញុំគិតថាគាត់មានសមត្ថភាពដើម្បីឈ្នះពានរង្វាន់នេះ ( Premier League ) ។ ខ្ញុំគិតថាគាត់គឺជាគ្រូបង្វឹកដ៏ត្រឹមត្រូវសម្រាប់ក្លិបនោះ ។ ប៉ុន្តែគ្រូបង្វឹករូបនេះមានលក្ខណៈល្អដូចក្រុមរបស់គាត់ដូច្នេះវាមិនដូចជារូបគេអាចធ្វើអព្ភូតហេតុបានទេប្រសិនបើក្រុមនេះមិនបានល្អ ។ ហើយខ្ញុំមានអារម្មណ៍ថាក្រុមនេះគឺល្អ វាកំពុងរីកចម្រើនកាន់តែល្អ ។ នេះគឺជាឆ្នាំទីបីរបស់គាត់កីឡាករដឹងពីរបៀបដែលគាត់ចង់លេងនិងរបៀបដែលគាត់ចង់បានខ្ញុំជឿ ” ។
បច្ចុប្បន្នក្លឹប Manchester United កំពុងឈរនៅលេខរៀងទី ៨ ក្នុងក្របខ័ណ្ឌកំពូលរបស់អង់គ្លេស ( Premier League ) ដែលបានឈ្នះត្រឹមតែពាក់កណ្តាលនៃការប្រកួតចំនួន ៨ ប្រកួតរបស់ពួកគេតែប៉ុណ្ណោះ ៕
ដោយ៖តារា
