លោក Tite បានបញ្ជាក់ថាក្រុមប្រេស៊ីលគឺល្អប្រសើរជាងអាហ្សង់ទីនក្រោយពីបានទទួលជ័យជម្នះយ៉ាងកក់ក្តៅនៅនាទីចុងក្រោយលើគូប្រជែងរបស់ខ្លួននៅក្នុងប្រទេសអារ៉ាប៊ីសាអ៊ូឌីត ។
ប្រេស៊ីលបានផ្តួលអាហ្សង់ទីនដែលគ្មានវត្តមាន Lionel Messi ក្នុងលទ្ធផល ១-០ ក្នុងប្រទេសអារ៉ាប៊ីសាអ៊ូឌីតកាលពីថ្ងៃអង្គារក្រោយពីកីឡាករ Miranda បានតែតបញ្ចូលទីនៅនាទី ៩៣ ។ ការតែតបញ្ចូលទីដ៏អស្ចារ្យរបស់ Miranda នៅក្នុងម៉ោងបន្ថែមបានធ្វើឲ្យគ្រូបង្វឹកក្រុមជំរើសជាតិប្រេស៊ីលលោក Tite មានអារម្មណ៍ថាក្រុមរបស់គាត់គឺជាអ្នកឈ្នះដ៏សក្ដិសមបំផុត ។
លោក Tite បានប្រាប់អ្នកយកព័ត៌មានថា៖ “អាហ្សង់ទីនបានបង្កើតឱកាសដើម្បីស៊ុតបញ្ចូលទីហើយបានព្យាយាមឈ្នះ ប៉ុន្តែប្រេស៊ីលមានភាពប្រសើរជាង ហើយលទ្ធផលនៃការប្រកួតរបស់ក្រុមនេះត្រូវបានផ្តល់ឱ្យយើង ។ វាអាចជាពេលមួយផ្សេងទៀតប៉ុន្តែវាគឺនៅទីបញ្ចប់ ។ ក្រុមនេះកំពុងផ្តោតអារម្មណ៍ ។ ការទាត់ជ្រុងនេះគឺជាលទ្ធផលនៃការលេងដែលយើងបានដាក់នៅក្នុងការប្រកួត” ។
កីឡាករវ័យ ៣៤ របស់ក្លឹប Inter Milan រូបនេះក៏បានបង្ហាញអារម្មណ៍រំភើបដែលបានជួយឲ្យក្រុមស៊ាំបាប្រេស៊ីលផ្ដួល អាហ្សង់ទីន យ៉ាងលំបាកបំផុតផងដែរដោយបាននិយាយថា៖ “ខ្ញុំពិតជារីករាយណាស់ នេះគឺលើកដំបូងដែលខ្ញុំបានជួយមិត្តរួមក្រុមរបស់ខ្ញុំហើយដើម្បីរកគ្រាប់បាល់ជាមួយអាហ្សង់ទីនគឺជាការរំភើបនិងជាការផ្ដល់រង្វាន់ ។ ខ្ញុំជូនគ្រាប់បាល់នេះដល់អ្នកគ្រាំទ្រនិងគ្រួសាររបស់ខ្ញុំ ។ ថ្ងៃនេះខ្ញុំបានជួបភរិយារបស់ខ្ញុំកាលពី ១៦ ឆ្នាំមុនហើយខ្ញុំរំភើបណាស់ការស៊ុតបញ្ចូលទីហើយវាគឺជាការលំបាកណាស់ … ស្នាមថើបសម្រាប់ប្រពន្ធនិងកូនរបស់ខ្ញុំ ខ្ញុំចង់អបអរគ្រាប់បាល់ជាមួយពួកគេ” ៕
ដោយ៖តារា
