អ្នកចាំទី Manuel Neuer របស់ក្លិប Bayern Munich នៅតែជាអ្នកចាំទីដ៏ឆ្នើមបំផុតរបស់ពិភពលោកនេះបើយោងតាមអ្នកចាំទី Hugo Lloris របស់ក្រុម Tottenham Hotspur និង បារាំង ។

អ្នកចាំទីវ័យ ៣២ ឆ្នាំរូបនេះមិនសូវបង្ហាញទម្រង់លេងបានល្អប៉ុន្មានទេចាប់តាំងពីការវិលត្រឡប់ពីរបួសធ្ងន់ធ្ងរជាមួយនឹងកំហុសឆ្គងដ៏គួរឱ្យកត់សម្គាល់មួយពេលប្រកួតទល់នឹងប្រទេសកូរ៉េខាងត្បូងនៅក្នុងការប្រកួតបាល់ទាត់ពិភពលោកដែលបានធ្វើឲ្យអាល្លឺម៉ង់ ធ្លាក់ត្រឹមវគ្គចែកពូលតែប៉ុណ្ណោះ ។  ក្រោយពីមានកំហុសឆ្គងនេះ Neuer បានប្រឈមនឹងការរិះគន់យ៉ាងខ្លាំងពីវិរៈបុរសអាល្លឺម៉ង់លោក Lothar Matthaus ដែលជម្រុញឱ្យ Marc-Andre ter Stegen ទៅជំនួសវិញ ។ ខណៈដែលអ្នកចាំទីដែលបានជួយឲ្យបារាំងលើកពាន World Cup ២០១៨ អ្នកចាំទី Hugo Lloris នៅតែជឿជាក់ថា Neuer គឺជាអ្នកចាំទីឆ្នើមបំផុតដែលអ្នកចាំទីផ្សេងទៀតមិនងាយឈានដល់កម្រិតគាត់ ។

អ្នកចាំទីដៃទីមួយរបស់បារាំងរូបនេះបាននិយាយប្រាប់ Sport1 ថា៖ “គាត់គឺជាមនុស្សដែលល្អបំផុតសម្រាប់ខ្ញុំ ហើយគ្មានការសង្ស័យអ្វីឡើយចំពោះ Manuel Neuer គាត់ជាកីឡាករដ៏អស្ចារ្យម្នាក់គាត់នឹងបង្ហាញវាម្តងទៀតក្នុងពេលអនាគត ។ ការវិនិច្ឆ័យដោយអ្វីគ្រប់យ៉ាងដែលគាត់បាននាំយក Bayern Munich និងប្រទេសអាល្លឺម៉ង់ ការពិភាក្សានេះនៅលើសំណុំបែបបទរបស់គាត់គឺមិនយុត្តិធម៌ ។ វាមិនងាយស្រួលនោះទេ ប្រសិនបើអ្នកមិនបានលេងបាល់ទាត់ជិតមួយឆ្នាំនោះគាត់នៅតែស្ថិតក្នុងកម្រិតដ៏អស្ចារ្យនិងជាអ្នករារាំងគ្រាប់បាល់ដ៏អស្ចារ្យ ។ ក្នុងនាមជាអ្នកចាំទីយើងតែងតែពឹងផ្អែកលើក្រុមខ្លាំងណាស់”។

Neuer បានឈានដល់កម្រិតកំពូលនៅឆ្នាំ ២០១៤ នៅពេលដែលគាត់បានដើរតួនាទីយ៉ាងសំខាន់ក្នុងការជួយប្រទេសអាល្លឺម៉ង់ឱ្យឈ្នះការប្រកួតបាល់ទាត់ពិភពលោកនិងបានជាប់ចំណាត់ថ្នាក់ទី ៣ នៅក្នុងការបោះឆ្នោត Ballon d’Or នៅពីក្រោយ Lionel Messi និង Cristiano Ronaldo កាលពីគ្រានោះ ។

Neuer បានខកខានក្នុងការជ្រើសរើសបេក្ខភាពរបស់ Ballon d’Or នៅឆ្នាំនេះបន្ទាប់ពីមានការរងរបួសដ៏ធ្ងន់ធ្ងររបស់គាត់កាលពីរដូវកាលមុន ខណះអ្នកចាំទី Alisson, Thibaut Courtois, Jan Oblak និង Lloris ជាអ្នកចាំទីចំនួន ៤ រូបដែលកំពុងស្ថិតនៅក្នុងបញ្ជីឈ្មោះកីឡាករ ៣០ នាក់ក្នុងការប្រកួតប្រជែងដណ្ដើមពានរង្វាន់បុគ្គលដ៏ឆ្នើមប្រចាំឆ្នាំមួយនេះ ៕

ដោយ៖តារា