រដ្ឋាភិបាលអេស្ប៉ាញបានធ្វើសំណើមួយដើម្បីបង្កើតការដំឡើងពន្ធ ៤% សម្រាប់ប្រាក់ចំណូលលើសពី ៣០០.០០០ អឺរ៉ូ​ ។ លោក Javier Tebas ប្រធានក្របខ័ណ្ឌ La Liga បានអះអាងថាវានឹងធ្វើឱ្យក្របខ័ណ្ឌ La Liga ចុះខ្សោយនៅលើឆាកអន្តរជាតិ ។

ប្រធាន La Liga លោក Javier Tebas មិនសប្បាយចិត្តនឹងសំណើចុងក្រោយដែលធ្វើឡើងដោយរដ្ឋាភិបាលសង្គមនិយមជនជាតិភាគតិចអេស្ប៉ាញរួមជាមួយគណបក្ស Podemos ដែលប្រឆាំងនឹងការត្បិតត្បៀតដែលនឹងឃើញការដំឡើងពន្ធ ៤% ដើម្បីអនុវត្តលើប្រាក់ចំណូលជាង ៣០០.០០០ អឺរ៉ូ ។ ការសម្រេចចិត្តនេះនឹងមានផលប៉ះពាល់ដល់អ្នករកប្រាក់ចំណូលខ្ពស់បំផុតរបស់អេស្ប៉ាញដូចជា Lionel Messi ដែលបច្ចុប្បន្នត្រូវចំណាយ ៥២% លើប្រាក់ចំណូលដែលផ្ទុយនឹង ៤៨% ។

លោក Javier Tebas បានប្រាប់សារព័ត៌មាន Reuters ឱ្យដឹងថា៖ “រាល់វិធានការទាំងអស់នេះមានផលប៉ះពាល់អវិជ្ជមានទៅលើគណនីរបស់ក្លឹបនិងប៉ះពាល់ដល់កីឡាករនិងគ្រូបង្វឹកជាង ៧៥០ នាក់ ។ គ្រាន់តែការបង្កើនពន្ធនឹងនាំឱ្យមានផលប៉ះពាល់ចំនួន ៨០ លានអឺរ៉ូលើគណនីរបស់ក្លិបដែលអាចមានន័យថាការចាកចេញរបស់កីឡាករឆ្នើមៗចំនួន ២០ នាក់ពីលីគរបស់យើង ។ ជាលទ្ធផល (នៃសំណើនេះ) La Liga កំពុងរៀបចំយុទ្ធសាស្រ្តមួយដើម្បីកាត់បន្ថយផលប៉ះពាល់អវិជ្ជមាននៃសំណើទាំងនេះ “។

បច្ចុប្បន្នលោក Tebas កំពុងតែមានការប្រឆាំងយ៉ាងខ្លាំងនៃគម្រោងរបស់លោកដែលចង់ឲ្យធ្វើការប្រកួតនៅលើទឹកដីសហរដ្ឋអាមេរិកដែលការសម្រេចចិត្តលើការប្រកួតរវាងក្រុម Barcelona និងក្រុម Girona នៅទី Miami នៅតែមិនទាន់បញ្ចប់ ។ La Liga បានចុះហត្ថលេខាលើកិច្ចព្រមព្រៀងមួយដែលមានទឹកប្រាក់រាប់រាយលានដុល្លារជាមួយក្រុមហ៊ុនដែលមានមូលដ្ឋាននៅសហរដ្ឋអាមេរិចឈ្មោះថាផូវលែនដែលជាអ្នកឧបត្ថម្ភមួយនៃយុទ្ធនាការប្រកួតមិត្តភាពមុនរដូវកាលហៅថា International Champions Cup ។ យោងតាមកិច្ចសន្យាការប្រកួតលីកក្នុងស្រុកជាច្រើនអាចត្រូវបានផ្លាស់ប្តូរទៅលេងនៅសហរដ្ឋអាមេរិកនិងកាណាដាវិញ ។

ទោះជាយ៉ាងណាក៏ដោយការសម្រេចចិត្តនេះមិនត្រូវបានព្រមព្រៀងជាមួយអង្គការកីឡាបាល់ទាត់អេស្ប៉ាញនិងអឺរ៉ុប ដទៃទៀតឡើយហើយត្រូវបានជួបជាមួយនឹងការជម្រុញយ៉ាងខ្លាំង ។ ដូច្នេះការប្រកួតរវាងក្រុម Girona និង Barcelona ដែលជាក្រុមដំបូងគេដែលត្រូវបានផ្លាស់ទៅលេងនៅក្នុងទីក្រុង Miami កំពុងស្ថិតក្នុងភាពស្រពេចស្រពិលបើទោះបីជាក្លឹបទាំងពីរនិង La Liga បានយល់ព្រមលើបញ្ហានេះក៏ដោយ ។ ទោះយ៉ាងណាក៏ដោយត្រូវមានការអនុញ្ញាតពីសហព័ន្ធកីឡាបាល់ទាត់អេស្ប៉ាញ (RFEF) ជាមុនសិនផងដែរ ។

RFEF មានភាពស្ទាក់ស្ទើរក្នុងការអនុញ្ញាតឱ្យក្លឹបធ្វើការប្រកួតនៃក្របខ័ណ្ឌ La Liga នៅទីនោះ ។ លោក Luis Rubiales ប្រធាន FA របស់អេស្ប៉ាញនាពេលថ្មីៗនេះបានចេញសេចក្តីថ្លែងការណ៍មួយទាក់ទងនឹងបញ្ហានេះផងដែរ ។ គាត់តម្រូវឱ្យមានព័ត៌មានបន្ថែមលើបញ្ហានេះហើយសាកសួរទៅខាងយុត្តិធម៌កីឡានៃការសម្រេចចិត្តនេះជាមុនសិន ។ ទន្ទឹមនឹងនេះដែរសហជីពកីឡាករអេស្ប៉ាញអាចធ្វើកូដកម្មដើម្បីតវ៉ាប្រឆាំងនឹងការផ្លាស់ប្តូរការប្រកួតលីកក្នុងស្រុកទៅប្រកួតក្រៅប្រទេសអេស្ប៉ាញនោះផងដែរ ។ ហើយពេលនេះក្លឹប Real Madrid ក៏បានចូលរួមជាមួយក្រុមប្រឆាំងនៃសំណើររបស់លោក Tebas ដែរដោយការចេញនូវការតវ៉ាមួយបានធ្វើឱ្យមានការត្អូញត្អែរពីសំណាក់ RFEF ៕

ដោយ៖តារា