ក្រុមជើងឯកលីគកំពូលកម្ពុជា៦សម័យ ភ្នំពេញក្រោន បានឈ្នះ១ ស្មើ១ ទៅលើការប្រកួតសមជើង២ប្រកួតជាប់គ្នា ជាមួយអាស៊ីអឺរ៉ុប និង ណាហ្គាវ៉ើល កាលពីថ្ងៃទី១៧ ខែកុម្ភៈ នៅកីឡដ្ឋាន RSN ។
ផ្តើមប្រកួតទី១ នៅម៉ោង៤រសៀល Pouya Houseinni , អ៊ិន សូដាវីដ និង ស៊ិន កក្កដា ជាអ្នកស៊ុតគ្រាប់បាល់បក៣គ្រាប់នៅវគ្គទី២ តាមស្មើណាហ្គាវ៉ើល ៣-៣។ នៅប្រកួតទី២ វេលាម៉ោង៦:00នាទី ក្រុមសំបូរធនធានមួយនេះ បានបំបាក់ អាស៊ីអឺរ៉ុប ដល់ទៅ ៦-៣។ គ្រាប់បាល់ទាំងនោះរកបានដោយ ពៅ ពុនវុទ្ធី, Jorrin John សាត រ៉ូហ្សាក់ និង យឿ មូស្លីម ៣គ្រាប់តែឯង ។
នេះជាការប្រកួតមិត្តភាពដ៏កម្រ នៅកម្ពុជាដែលក្លិបមួយលេង២ប្រកួតជាមួយ២ក្រុមផ្សេងគ្នា ក្នុងថ្ងៃតែមួយ។ ភ្នំពេញក្រោន កំពុងសម្លឹងទៅរកការឈ្នះពានលីគកំពូលកម្ពុជាលើកទី៧ ដែលនឹងចាប់ផ្តើមនាខែមីនាខាងមុខ។
ដោយ៖តារា
រូបភាព៖ Phnom Penh Crown FC
