Cristiano Ronaldo ៖ វាតែងតែពិសេសក្នុងការវិលត្រឡប់ទៅកាន់ក្លឹប Manchester United

9479

Cristiano Ronaldo បានសារភាពថាវាតែងតែ “ពិសេស” ក្នុងការវិលត្រឡប់ទៅកាន់ក្រុម Manchester United ប៉ុន្តែមិនមានគម្រោងធ្វើឱ្យក្លឹបចាស់របស់គាត់ទទួលបានការគាំទ្រណាមួយឡើយនៅយប់ថ្ងៃអង្គារនេះ ខណៈដែល Juventus មានបំណងរក្សាកំណត់ត្រាឈ្នះ ១០០ ភាគរយរបស់ពួកគេនៅក្នុង Champions League រដូវកាលនេះ ។

Image result for Cristiano Ronaldo

ក្រុមជើងខ្លាំងទាំងពីរក្នុងពូល H នឹងធ្វើការប្រកួតជាមួយគ្នានៅក្នុងកីឡាដ្ឋាន Old Trafford ខណះក្រុមភ្ញៀវទទួលបានជ័យជម្នះពីរលើកជាប់ៗគ្នា ដោយមាន ៦ ពិន្ទុ ហើយក្រុមម្ចាស់ផ្ទះ ឈ្នះមួយ និង ចាញ់មួយ នា ២ លើកកន្លងមក ។ Ronaldo ត្រូវបានបណ្តេញចេញក្នុងការទទួលជ័យជម្នះ ២-០ នៅលើក្រុម Valencia នៅក្នុងការប្រកួតបើកឆាកដំបូងដែលមានន័យថាគាត់បានខកខានការទទួលជ័យជម្នះ ៣-០ នៅក្នុងផ្ទះរបស់ខ្លួន ។ និយាយទៅកាន់ប្រព័ន្ធផ្សព្វផ្សាយលោកក៏បានផ្ញើសារដ៏ស្មោះទៅអតីតគ្រូបង្វឹករបស់លោកលោក Alex Ferguson ដែលបានចូលរួមប្រកួតនៅក្របខ័ណ្ឌ Premier League ទល់នឹងក្រុម Wolves កាលពីខែមុន បន្ទាប់ពីទទួលរងនូវការកកឈាមក្នុងខួរក្បាលកាលពីខែឧសភា ដែលតម្រូវឱ្យមានការវះកាត់សង្គ្រោះជាបន្ទាន់ ។

Image result for Cristiano Ronaldo

ប្រធានក្រុមព័រទុយហ្គាល់រូបនេះបាននិយាយនៅក្នុងសន្និសីទសារព័ត៌មានមុនការប្រកួតថា៖ “វាជារឿងពិសេសសម្រាប់ខ្ញុំក្នុងការវិលត្រឡប់ទៅកាន់ក្លិប Manchester ។ នៅទីនេះខ្ញុំមានការចងចាំជាច្រើនអំពីជ័យជម្នះនិងភាពស្និទ្ធស្នាលជាពិសេសជាមួយលោក Alex Ferguson ដែលជាមនុស្សម្នាក់ដែលបានជួយខ្ញុំច្រើនណាស់ ។ វានឹងក្លាយជាការប្រកួតដ៏ស្វិតស្វាញមួយ ។ ក្រុម Manchester United មានភាពរឹងមាំ ប៉ុន្តែប្រសិនបើយើងលេងតាមវិធីដែលគ្រូបង្វឹកចង់ឱ្យយើងមានឱកាសល្អក្នុងការឈ្នះការប្រកួត ។ ទោះយ៉ាងណាយើងមិនអាចមើលស្រាលទៅលើគូប្រជែងរបស់យើងបានទេ “។

Image result for Cristiano Ronaldo

ម្ចាស់ជើងឯកក្របខ័ណ្ឌ Serie A បានធ្វើការយ៉ាងល្អទោះគ្មានវត្តមាន Ronaldo នៅក្នុងពានរង្វាន់លំដាប់កំពូលអឺរ៉ុបយ៉ាងណាក៏ដោយក៏កីឡាករ Paulo Dybala ស៊ុតបញ្ចូលទីយ៉ាងអស្ចារ្យចំនួន បី គ្រាប់សម្រាប់ក្រុមរបស់លោក Massimiliano Allegri ជាមួយក្រុម Young Boys ។

Image result for Paulo Dybala

Ronaldo បាននិយាយទៀតថា៖ “ពានរង្វាន់ក្របខ័ណ្ឌ Champions League បានចាប់ផ្តើមពីរប្រកួតកន្លងមកហើយបើទោះបីជាខ្ញុំវិលត្រឡប់មកឥឡូវនេះក៏ដោយវាមិនមានបញ្ហាអ្វីទេដែលខ្ញុំត្រូវបានបណ្តេញចេញហើយបន្ទាប់មកមិនបានលេង ។ យើងស្ថិតនៅក្នុងជំហរដ៏អស្ចារ្យ ហើយការឈ្នះនៅថ្ងៃស្អែកនឹងធ្វើឱ្យមានការរីកចម្រើន “៕

ដោយ៖តារា

ប្រភព :
goal
ភ្ជាប់ទំនាក់ទំនងជាមួយ Merl Plus
  • អត្ថបទថ្មី