លោក Jose Mourinho អាចនឹងត្រូវទទួលរងការរិះគន់យ៉ាងខ្លាំងនៅរដូវកាលនេះ ប៉ុន្តែអ្នកចាត់ការក្រុម Manchester United រូបនេះនៅតែត្រូវប្រជាជននៅក្នុងប្រទេសអ៊ីតាលីស្រឡាញ់និងគោរពជានិច្ច នេះបើយោងតាមខ្សែការពាររបស់ក្លិប Juventus កីឡាករ Giorgio Chiellini បានអះអាង ។
អ្នកគាំទ្ររបស់ក្រុមតោខៀវអាចនឹងស្អប់លោក Mourinho បន្ទាប់ពីលោកដេញវ៉ៃក្រុមការងាររបស់ក្លឹបតោខៀវ Chelsea នៅក្នុងការប្រកួតនៅទីក្រុងឡុងដ៍ក៏ដោយក៏ Chiellini និយាយថាគាត់នឹងតែងតែត្រូវបានគោរពដោយជនជាតិអ៊ីតាលីបន្ទាប់ពីគាត់ធ្លាប់រួមរស់ជាមួយក្លឹប Inter Milan អស់រយះពេល ២ ឆ្នាំ ។
ក្នុងរយៈពេលពីរឆ្នាំនៅឯកីឡដ្ឋាន San Siro លោក Mourinho បានដឹកនាំក្រុមរបស់លោកលើកពាន ២ រដូវកាលជាប់គ្នានៅក្នុងក្របខ័ណ្ឌ Serie A មុនពេលចាកចេញទៅចូលរួមជាមួយក្លឹប Real Madrid ក្រោយពីការទទួលបានជោគជ័យក្នុងក្របខ័ណ្ឌ Champions League នៅប្រទេសអ៊ីតាលី ។ ទោះបីជាគ្រូបង្វឹករូបនេះបានចែករំលែកហេតុការណ៍ដ៏ចម្រូងចម្រាសរបស់គាត់នៅក្នុងប្រទេសអ៊ីតាលីក៏ដោយក៏ Chiellini និយាយថាគាត់និងមិត្តរួមក្រុមនៅ Juventus គោរពគាត់ ហើយកំពុងទន្ទឹងរង់ចាំគាត់ប្រឈមមុខនឹងគាត់ម្តងទៀតផងដែរ ។
Chiellini បានប្រាប់ BT Sport ថា៖ “ពិតណាស់វានឹងក្លាយជាបរិយាកាសដ៏អស្ចារ្យមួយ ។ ក៏គ្រូបង្វឹកដ៏អស្ចារ្យដែលយើងស្រឡាញ់នៅក្នុងអតីតកាលនៅក្នុងប្រទេសអ៊ីតាលី ។ អ្នកគាំទ្រ Juventus ដឹងច្រើនអំពីគាត់ ប៉ុន្តែនៅក្នុងប្រទេសអ៊ីតាលីយើងស្រឡាញ់លោក Mourinho សម្រាប់ភាពជោគជ័យរបស់គាត់” ៕
ដោយ៖តារា
