Nacho Fernandez បាននិយាយថាកីឡាកររបស់ក្លឹប Real Madrid កំពុងតែធ្វើការលើមូលដ្ឋានគ្រឹះប្រសិនលោក Santiago Solari នឹងនៅតែជាអ្នកទទួលខុសត្រូវសម្រាប់រដូវកាលទាំងមូលបន្ទាប់ពីគ្រូបង្វឹកបណ្តោះអាសន្នរូបនេះបានដឹកនាំក្រុមឈ្នះ ៤-០ លើក្រុម Melilla ក្នុងការប្រកួតដំបូងរបស់លោក ។
អតីតខ្សែបម្រើសញ្ជាតិអេស្ប៉ាញលោក Solari ត្រូវបានគេតាំងជាគ្រូបង្វឹកបណ្ដោះអាសន្នសម្រាប់ដឹកនាំក្លឹប Real Madrid នៅសប្តាហ៍នេះនៅពេលដែលក្លឹបបានបណ្តេញលោក Julen Lopetegui ចេញពីដំណែងក្រោយពីទទួលរងបរាជ័យយ៉ាងដំណំក្នុងជំនួប EL Clasico ក្រោមថ្វីជើងរបស់ក្លិប Barcelona ក្នុងលទ្ធផល ១-៥ ។ ដូចជាលោក Antonio Conte និងលោក Roberto Martinez ដែលត្រូវបានគេភ្ជាប់យ៉ាងខ្លាំងជាមួយនឹងការទៅជំនួសលោក Lopetegui ប៉ុន្តែខ្សែការពារសញ្ជាតិអេស្ប៉ាញ Nacho Fernandez បានទទូចថាលោកនិងមិត្តរួមក្រុមរបស់លោកកំពុងសប្បាយចិត្តក្រោមការដឹកនាំរបស់គ្រូបង្វឹកបណ្ណោះអាសន្នរូបនេះ ។
បន្ទាប់ពីការទទួលបានជោគជ័យដ៏ធំធេងរបស់ក្រុម Real លើក្រុមដែលលេងនៅលីគលំដាប់ទី ៣ របស់អេស្ប៉ាញក្លឹប Melilla ក្នុងលទ្ធផល ៤-០ ដោយ Nacho បាននិយាយថា៖ “យើងនឹងធ្វើការដូចជារូបគេ (Solari) នៅទីនេះសម្រាប់ពេញមួយរដូវកាល ហើយគាត់មកពីទីនេះគាត់មានបទពិសោធហើយគាត់បានឈ្នះពានជាមួយក្រុមម៉ាឌ្រីដ ។ យើងជាកីឡាករមិនចាំបាច់ធ្វើការសម្រេចចិត្តទាំងនេះទេ ហើយយើងនឹងឃើញអ្វីដែលនឹងកើតឡើង ប៉ុន្តែគាត់ជាគ្រូបង្វឹកដ៏អស្ចារ្យ ។ ក្រុមនេះគឺជាមួយ Lopetegui ប៉ុន្តែយើងមិនមានសំណាងទេឥឡូវនេះយើងមានគ្រូបង្វឹកថ្មីដែលមានការរំភើបហើយយើងនឹងប្រយុទ្ធប្រឆាំងចំពោះការស្លាប់របស់គាត់ផងដែរ” ។
Nacho បានទទួលស្គាល់ថាប៉ុន្មានថ្ងៃបន្ទាប់ពីការបរាជ័យក្នុងលទ្ធផល ៥-១ របស់ក្លិប Real Madrid ក្រោមថ្វីជើងក្លឹបអ្នកមានបុណ្យ FC Barcalona មិនងាយស្រួលនោះទេ ។ ខ្សែការពារអេស្ប៉ាញរូបនេះបានបន្ថែមថា៖ “វាជាពេលវេលាដ៏លំបាកមួយបន្ទាប់ពី Clasico ជាកន្លែងដែលគាត់មានលទ្ធផលដែលយើងមិនបានរំពឹងទុក ។ ប៉ុន្តែនេះគឺជាបាល់ទាត់ហើយសំណាងល្អយើងមានការប្រកួតមួយយ៉ាងឆាប់រហ័សដែលយើងចង់ឈ្នះ ហើយលើសពីគ្រាប់បាល់ស៊ុតបញ្ចូលទី ។ ជាក់ស្តែងវាពិតជាឈឺចាប់ក្នុងការចាញ់ដូចជាថ្ងៃផ្សេងទៀត ប៉ុន្តែអរគុណដែលមានការប្រកួតជាច្រើនទៀត” ។
បន្ទាប់ពីក្លឹបអធិរាជស Real Madrid ទទួលបានជ័យជំនះយ៉ាងជាទីគាប់ចិត្តលើក្រុម Melilla ក្នុងការប្រកួតដណ្ដើមពានរង្វាន់ Copa del Rey ពួកគេនឹងត្រូវធ្វើការប្រកួតជាមួយក្លឹប Real Valladolid នៅថ្ងៃសៅរ៍នេះក្នុងសប្ដាហ៍ទី ១១ នៃក្របខ័ណ្ឌ La Liga ៕
ដោយ៖តារា
