អតីតតារាឆ្នើមរបស់ក្លឹប Manchester United លោក Darren Fletcher ចងចាំថ្ងៃរបស់គាត់នៅឯទឹកដី Old Trafford ដែលបានលេងជាមួយ Wayne Rooney កាលពីនៅវ័យក្មេង ។ គាត់និយាយពីការរីកចម្រើនយ៉ាងឆាប់រហ័សរបស់ Rooney និងរបៀបដែលអ្នករាល់គ្នានៅបីសាចក្រហមមានការភ័យខ្លាចគាត់ចូលរួមជាមួយ Real Madrid ។
លោក Darren Fletcher បានប្រាប់សារពត៌មាន Sky Sports News ថា៖ “Wayne ពិតជាអស្ចារ្យណាស់ យើងជាកីឡាករ ២ នាក់ដែលមានវ័យក្មេងបំផុតនៅក្នុងបន្ទប់សំលៀកបំពាក់ ហើយយើងបានបង្កើតទំនាក់ទំនងល្អនៅគ្រាដំបូង ។ មានកីឡាករជាច្រើនដែលមានបទពិសោធន៍នៅក្នុងបន្ទប់សំលៀកបំពាក់ ហើយខ្ញុំ និង Wayne មានភាពជិតស្និទ្ធជាមួយអាយុដែលមានប្រវត្តិស្រដៀងគ្នា ហើយយើងទើបតែចុះហត្ថលេខា “។
លោកបន្ដទៀតថា៖ “អ្នកអាចប្រាប់ទៅ Wayne ថានឹងបន្តធ្វើបានល្អ និងក្លាយជាកីឡាករល្អបំផុតរបស់ក្រុម Manchester United ព្រោះការព្រួយបារម្ភតែមួយគត់គឺថា Real Madrid ឬនរណាម្នាក់នឹងចូលមកជំនួសគាត់ព្រោះវាពិតជាអាចទៅរួច ។ ប៉ុន្តែមិនមានការសង្ស័យអ្វីទេដែលថារូបគេ នឹងបន្តគ្រប់យ៉ាង និងឈ្នះគ្រប់យ៉ាង ហើយក្លាយជាប្រធានក្រុមរបស់ អង់គ្លេស និង Manchester United ដែលជាអ្នករកគ្រាប់បាល់បានច្រើនបំផុត “។
Rooney បានចូលរួមជាមួយក្លឹបបីសាចក្រហម Manchester United ពីក្លឹបស្ករគ្រាប់ Everton ក្នុងឆ្នាំ ២០០៤ និងបានស៊ុតបាល់បញ្ចូលទីចំនួន ២៥៣ គ្រាប់ឱ្យក្រុមបិសាចក្រហមក្នុងការប្រកួតទាំងអស់ ហើយបានក្លាយជាកីឡាករស៊ុតបញ្ចូលទីច្រើនបំផុតសម្រាប់ក្លឹប Man United មុនពេលត្រឡប់ទៅចូលរួមជាមួយ Everton វិញកាលពីឆ្នាំ ២០១៧ ។
គួរបញ្ជាក់ឲ្យដឹងផងដែរថា ខ្សែប្រយុទ្ធវ័យ ៣៣ ឆ្នាំរូបនេះបានឈ្នះពានរង្វាន់ក្របខ័ណ្ឌ Premier League ចំនួន ៥ ដង ពានរង្វាន់ FA Cup និងពានរង្វាន់ UEFA Champions League បាន ១ ដង ក្នុងអំឡុងពេលគាត់លេងនៅ Old Trafford ៕
ដោយ៖តារា
