ក្រុមជម្រើសជាតិកម្ពុជា ទទួលបានសិទ្ធធ្វើជាម្ចាស់ផ្ទះរៀបចំការប្រកួតវគ្គជម្រុះប្រចាំពូល H នៃការប្រកួតដណ្ដើមពានរង្វាន់ AFC-U23 ឆ្នាំ ២០២០ ។
កម្ពុជា នឹងត្រូវធ្វើជាម្ចាស់ផ្ទះទទួលក្រុមភ្ញៀវ សាធារណរដ្ឋកូរ៉េ អូស្ត្រាលី ឆាយនីតៃប៉ិ រួមជាមួយនិងកម្ពុជាយើងផ្ទាល់ផងដែរ ខណះវគ្គជម្រុះនេះនិងត្រូវធ្វើឡើងនៅថ្ងៃទី ២២ ខែ មីនា ឆ្នាំ ២០១៩ តទៅ ។
វគ្គជម្រុះនៃពានរង្វាន់ AFC-U23 នេះមានចំនួន ១០ ពូល ហើយមានក្រុមជម្រើសជាតិចំនួន ១៥ ត្រូវឆ្លងកាត់វគ្គជម្រុះដើម្បីបន្តទៅកាន់វគ្គចុងក្រោយនៅឆ្នាំ ២០២០ ដែលជាព្រះរាជាណាចក្រថៃទទួលបានសិទ្ធធ្វើជាម្ចាស់ផ្ទះ ។
សូមបញ្ជាក់ឲ្យដឹងផងដែរថា ព្រឹត្តិការណ៍ការប្រកួតដណ្ដើមពានរង្វាន់ AFC-U23 វគ្គចុងក្រោយនឹងប្រព្រឹត្តទៅនៅថ្ងៃទី ០៨ ដល់ថ្ងៃទី ២៦ ខែ មករា ឆ្នាំ ២០២០ ៕
ដោយ៖តារា
ប្រភព :
CNCC
