Mesut Ozil បានអះអាងថា “ខ្ញុំមិនខ្វល់ពីអ្វីដែលមនុស្សនិយាយនោះទេ” ។ តារាឆ្នើមរបស់ក្លឹបកាំភ្លើងធំ Arsenal បានដឹងថាមានមនុស្សដែលមិនចូលចិត្តខ្លួន ។
កីឡាករសញ្ជាតិអាឡឺម៉ង់រូបនេះបានក្លាយជាកីឡាករដ៏គួរឱ្យព្រួយបារម្ភក្នុងអំឡុងពេលរបស់គាត់នៅឯពហុកីឡដ្ឋាន Emirates ជាមួយនឹងទម្រង់ធ្លាក់ចុះរបស់គាត់ដែលត្រូវបានរងការរិះគន់ជាច្រើនមកលើរូបគេ ។
/cdn.vox-cdn.com/uploads/chorus_image/image/62184215/1056946460.jpg.0.jpg)
បើទោះបីរូបគេជាកីឡាករដែលធ្លាប់ឈ្នះពានរង្វាន់ World Cup កាលឆ្នាំ ២០១៤ និង ជាកីឡាករដែលមានសមត្ថភាពខ្ពស់បំផុតក៏ដោយក៏ Ozil តែងតែប្រឈមនឹងការចោទប្រកាន់ថាមិនបានផ្តល់ឱ្យក្រុម Arsenal គ្រប់គ្រាន់ និងធ្វើមិនបានល្អក្នុងការប្រកួតធំៗ ។
ទោះជាយ៉ាងណាក៏ដោយនៅអាយុ ៣០ ឆ្នាំខ្សែបម្រើដ៏មានទេពកោសល្យរូបនេះមានរយៈពេលយូរល្មមគ្រប់គ្រាន់ដើម្បីដឹងថាគាត់មិនអាចផ្គាប់ចិត្តមនុស្សគ្រប់គ្នា ហើយបានរៀនយកចិត្តទុកដាក់តែលើទស្សនៈរបស់គ្រូបង្វឹក និងក្រុមគ្រួសាររបស់គាត់ប៉ុណ្ណោះ ។
Ozil បានប្រាប់ទៅកាសែត Daily Mail ចំពោះអ្នកដែលរិៈគន់គាត់ថា៖ ” ខ្ញុំដឹងថាមានមនុស្សនៅទីនោះដែលចូលចិត្តខ្ញុំ ក៏មានមនុស្សដែលមិនចូលចិត្តខ្ញុំដែរ ។ នេះគឺជាការពិតនៃជីវិត ។ ប៉ុន្តែចំពោះខ្ញុំអ្វីដែលសំខាន់គឺអ្វីដែលមនុស្សនៅជុំវិញខ្ញុំប្រាប់ខ្ញុំ ។ ខ្ញុំមិនខ្វល់ពីអ្វីដែលមនុស្សនិយាយក្រៅពីនោះទេ ។ វាមិនប៉ះពាល់ដល់ខ្ញុំទេ ។ ប្រសិនបើគ្រូបង្វឹកឬមនុស្សនៅជុំវិញខ្ញុំប្រាប់ខ្ញុំថា Mesut អ្នកត្រូវតែធ្វើដូច្នេះឬត្រូវតែធ្វើដូចនោះខ្ញុំស្តាប់ ។ ខ្ញុំនឹងទទួលយកវាហើយធ្វើការលើវា ។ ប៉ុន្តែខ្ញុំមិនមើលទៅអ្វីដែលមាននរណាម្នាក់និយាយទេ ។ វាពិតជាមិនប៉ះពាល់ដល់ខ្ញុំទេ “៕
ដោយ៖តារា
